🔥 TRENDING Jharkhand Government Publishes List of... Jharkhand ambulance services suspended... Virender Sehwag Supports MS Dhoni’s Re... Pakistani Man Disguises as Woman in Au... Manorama News airs Speed News at 9:30 ... Chandrapur Police Bust 54 Organized Cr...
20 Nov 2026•
ગુજરાતી मराठी ਪੰਜਾਬੀ বাংলা
વિજપડી નજીક હાડીડા રોડ પર ઢોરને બચાવવા જતાં એસ.ટી. બસ રોડની સાઈડમાં ઉતરી, ૬ મુસાફરોને ઈજા
Local

વિજપડી નજીક હાડીડા રોડ પર ઢોરને બચાવવા જતાં એસ.ટી. બસ રોડની સાઈડમાં ઉતરી, ૬ મુસાફરોને ઈજા

✍️ Reporter: Rangpara Shaileshbhai 🗓 09 Oct 2026, 03:02 PM 👁 73
Watch on: ▶️ YouTube
Share: 💬 WhatsApp 📘 Facebook 𝕏 Post

સાવરકુંડલાના વિજપડી ગામ પાસે હાડીડા રોડ પર રખડતું ઢોર અચાનક રસ્તામાં આવી જતાં એસ.ટી. બસના ચાલકે બ્રેક મારતાં બસ રોડની સાઈડમાં ઉતરી ગઈ હતી. આ ઘટનામાં પાંચથી છ મુસાફરોને સામાન્ય ઈજા પહોંચી હતી.

સાવરકુંડલા તાલુકાના વિજપડી ગામ નજીક હાડીડા રોડ પર ગત રાત્રિના સમયે એક એસ.ટી. બસ રોડની સાઈડમાં ઉતરી જવાની ઘટના બની હતી. મહુવા ડેપોની મહુવા-જામનગર રૂટ પર દોડતી બસ જામનગરથી પરત મહુવા આવી રહી હતી ત્યારે આ બનાવ બન્યો હતો. બસમાં કુલ ૨૧ મુસાફરો સવાર હતા.

પ્રાપ્ત માહિતી અનુસાર, તા. ૦૬/૧૦/૨૦૨૪ના રોજ રાત્રિના અગિયારેક વાગ્યાના સુમારે વિજપડી ગામથી લગભગ એક કિલોમીટર દૂર હાડીડા જતા રસ્તા પર અચાનક એક રખડતું ઢોર બસની સામે આવી ગયું હતું. ઢોરને બચાવવા માટે બસના ચાલકે તાત્કાલિક બ્રેક મારતાં બસ પરનો કાબુ ગુમાવી બેઠો હતો અને બસ રોડની બાજુમાં ઉતરી ગઈ હતી.

આ અકસ્માતમાં બસમાં સવાર પાંચથી છ જેટલા મુસાફરોને સામાન્ય ઈજાઓ થઈ હતી. સદનસીબે કોઈ મોટી જાનહાનિ થઈ ન હતી. જોકે, આ ઘટનામાં બસને પણ આશરે રૂ. ૨૦,૦૦૦ થી ૨૫,૦૦૦ જેટલું નુકસાન થયું હોવાનું જાણવા મળ્યું છે.

આ બનાવ અંગે મેહુલભાઈ રામજીભાઈ લાખવા (ઉં.વ.૨૭) દ્વારા જાણ કરવામાં આવી હતી. સાવરકુંડલા રૂરલ પોલીસ સ્ટેશનના હેડ કોન્સ્ટેબલ એમ. વી. સુડાસમા આ બનાવ અંગે વધુ તપાસ કરી રહ્યા છે.
📲Get App