🔥 TRENDING New Upside‑Down Swimming Insect Discov... Amaravati and Bharat Future City Unvei... Odisha schools shut on Nov 20 as Cyclo... Accused in Andhra Chainsaw Attack Disc... Gujarat’s lone tiger could soon get tw... Gujarat awards Rs 438 crore scholarshi...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં મહેસૂલ વિભાગની હડતાળ: સિનિયર સિટીઝનોને ભારે હાલાકી, કામકાજ ઠપ્પ
Local

સુરતમાં મહેસૂલ વિભાગની હડતાળ: સિનિયર સિટીઝનોને ભારે હાલાકી, કામકાજ ઠપ્પ

✍️ Reporter: Maheta Dhavalkumar Jitendrabhai 🗓 09 Oct 2026, 06:38 PM 👁 76
Share: 💬 WhatsApp 📘 Facebook 𝕏 Post

સુરતમાં મહેસૂલ અધિકારીઓ, મામલતદારો અને તલાટીઓની હડતાળ આજે ત્રીજા દિવસે પણ યથાવત રહી છે. જેના કારણે નાગરિક સુવિધા કેન્દ્રો પર કામકાજ સંપૂર્ણપણે બંધ થઈ ગયું છે, જેનાથી ખાસ કરીને સિનિયર સિટીઝનોને ભારે મુશ્કેલીનો સામનો કરવો પડી રહ્યો છે.

સુરતમાં મહેસૂલ વિભાગના કર્મચારીઓની હડતાળ આજે ત્રીજા દિવસે પણ ચાલુ રહી છે. આ હડતાળના કારણે સરકારી કચેરીઓ અને નાગરિક સુવિધા કેન્દ્રો પર કામકાજ સંપૂર્ણપણે ઠપ્પ થઈ ગયું છે. ખાસ કરીને સિનિયર સિટીઝનોને તેમના જરૂરી કામકાજ કરાવવામાં ભારે હાલાકીનો સામનો કરવો પડી રહ્યો છે.

બસમાં લાંબી મુસાફરી કરીને આવેલા સિનિયર સિટીઝન લલિતા સરાફે પોતાની વ્યથા ઠાલવતા જણાવ્યું હતું કે, "અમે લોકોએ સિનિયર સિટીઝન અને સિટી બસના પાસ બનાવવા માટે આવ્યા હતા. પરંતુ અહીં કહેવામાં આવ્યું કે હડતાળ ચાલી રહી છે અને સ્ટાફ નથી, તેથી અત્યારે કામ નહીં થાય. અમને સોમવાર-મંગળવાર સુધીમાં આવવા માટે કહેવામાં આવ્યું છે. અમે બસમાં મુસાફરી કરીને આવ્યા છીએ, પરંતુ હવે બસની પણ સગવડ નથી અને સ્થળ પણ ખૂબ દૂર છે."

આ જ રીતે, ગોડાદરાથી સિનિયર સિટીઝન લાભની તપાસ માટે આવેલા વિષ્ણુભાઈએ પણ નિરાશા વ્યક્ત કરી હતી. તેમણે કહ્યું હતું કે, "મને સિનિયર સિટીઝનના લાભો વિશે તપાસ કરવા આવ્યો હતો. પરંતુ હડતાળના કારણે કામ નહીં થાય તો મારે ઘરે જવું પડશે, બીજું શું કરી શકાય?"

આ હડતાળના કારણે સામાન્ય નાગરિકોની સાથે સાથે ખાસ કરીને વૃદ્ધ નાગરિકોને ભારે હાલાકી ભોગવવી પડી રહી છે. સિનિયર સિટીઝનોના કામો અટકી પડતા તેમને ધક્કા ખાવા પડી રહ્યા છે.
📲Get App