🔥 TRENDING Sarkari school hua chhori Swami Aseemanand’s radical service to... ଢେଙ୍କାନାଳ ଜିଲ୍ଲାରେ ବାତ୍ୟା 'ଆକଭାନ' ନିମି... ସାଇକ୍ଲୋନ୍ ଆକ୍ବାନ୍: ଢେଙ୍କାନାଳ ପୌରପାଳିକା... US Companies Ramp Up Design and Resear... Ahmedabad Hosts Third All India Police...
20 Nov 2026•
ગુજરાતી मराठी ਪੰਜਾਬੀ বাংলা
ધારી નજીક વિરપુર ગામે શિકાર કરવા જતાં સિંહણ ખુલ્લા કૂવામાં ખાબકી, વન વિભાગે સુરક્ષિત રીતે બહાર કાઢી
Local

ધારી નજીક વિરપુર ગામે શિકાર કરવા જતાં સિંહણ ખુલ્લા કૂવામાં ખાબકી, વન વિભાગે સુરક્ષિત રીતે બહાર કાઢી

✍️ Reporter: Rangpara Shaileshbhai 🗓 08 Oct 2026, 11:57 AM 👁 84
Watch on: ▶️ YouTube
Share: 💬 WhatsApp 📘 Facebook 𝕏 Post

ધારી તાલુકાના વિરપુર ગામે શિકારની શોધમાં દોડતી એક સિંહણ અચાનક ખુલ્લા કૂવામાં પડી ગઈ હતી. વન વિભાગની ટીમે તાત્કાલિક રેસ્ક્યુ ઓપરેશન હાથ ધરી સિંહણને સુરક્ષિત રીતે બહાર કાઢી.

ધારી તાલુકાના વિરપુર ગામમાં એક અણધાર્યો બનાવ બન્યો હતો, જ્યાં શિકારની શોધમાં દોડી રહેલી એક સિંહણ ખુલ્લા કૂવામાં ખાબકી હતી. આ ઘટનાની જાણ થતાં જ વન વિભાગ દ્વારા તાત્કાલિક રેસ્ક્યુ કામગીરી હાથ ધરવામાં આવી હતી.

પ્રાપ્ત માહિતી અનુસાર, વિરપુર ગામે ભાભલુભાઈ નાગભાઈ ધાખડાની વાડી નજીક એક ખુલ્લા કૂવા પાસે સિંહણે એક જંગલી સુવરનો શિકાર કરવા માટે દોડ લગાવી હતી. આ દોડ દરમિયાન, સુવરની સાથે સિંહણ પણ અચાનક કૂવામાં પડી ગઈ હતી.

સ્થાનિક લોકો દ્વારા બનાવની જાણ થતાં જ ધારીના દલખાણીયા રેન્જનો સ્ટાફ અને રેસ્ક્યુ ટીમ તાત્કાલિક ઘટના સ્થળે પહોંચી ગઈ હતી. વન વિભાગની કુશળ ટીમે ભારે જહેમત બાદ કૂવામાં પડેલી સિંહણને સુરક્ષિત રીતે બહાર કાઢવામાં સફળતા મેળવી હતી.

સિંહણને બહાર કાઢ્યા બાદ, તેની વધુ તપાસ અને સારવાર માટે ધારી ખાતે આવેલ એનિમલ કેર સેન્ટરમાં ખસેડવામાં આવી છે, જ્યાં તેની દેખરેખ રાખવામાં આવશે.
📲Get App