🔥 TRENDING Rajasthan United eye back-to-back wins... Hisar-Jodhpur Express Resumes Operatio... Drone discovered in residential area n... କାମାକ୍ଷାନଗର ଚିକିତ୍ସାଳୟରେ ଡାକ୍ତରଙ୍କ ମଦ... Rajasthan Power Corp to Conduct JE Rec... How to Check Rajasthan 2026 Panchayat...
19 Nov 2026•
ગુજરાતી मराठी ਪੰਜਾਬੀ বাংলা
અમદાવાદ મધ્યસ્થ જેલમાંથી ફરાર પાકા કામના કેદીને પકડી પાડતી સાબરકાંઠા એસ.ઓ.જી.
Crime

અમદાવાદ મધ્યસ્થ જેલમાંથી ફરાર પાકા કામના કેદીને પકડી પાડતી સાબરકાંઠા એસ.ઓ.જી.

✍️ Reporter: Kalpeshkumar Narayanbhai Panchal 🗓 07 Oct 2026, 07:38 PM 👁 68
Share: 💬 WhatsApp 📘 Facebook 𝕏 Post

નાવરાત્રીના તહેવાર દરમિયાન કાયદો-વ્યવસ્થા જાળવવા માટે એ.ટી.એસ. ચાર્ટર હેઠળ કામગીરી દરમિયાન હિંમતનગરમાં અમદાવાદ મધ્યસ્થ જેલમાંથી છેલ્લા પાંચ વર્ષથી ફરાર રહેલા કેદી ગોવિંદકુમાર ભગોરાને પોલીસે પકડી પાડ્યું છે.

સાબરકાંઠા જિલ્લા પોલીસ દ્વારા આગામી નવરાત્રીના તહેવાર દરમિયાન કાયદો-વ્યવસ્થા જળવાઈ રહે અને કોઈ અનિચ્છનીય બનાવ ન બને તે માટે એ.ટી.એસ. ચાર્ટર હેઠળ અસરકારક કામગીરી કરવા તથા નાસતા ફરતા આરોપીઓને પકડી પાડવા સુચના આપવામાં આવી હતી. નાયબ પોલીસ મહાનિરીક્ષક શ્રી વિરેન્દ્રસિંહ યાદવ તથા પોલીસ અધિક્ષક શ્રી ડો. પાર્થરાજસિંહ ગોહિલની આ સુચના અનુસાર પોલીસ ઇન્સ્પેક્ટર એ.એમ. વાળા, એસ.ઓ.જી., સાબરકાંઠાના માર્ગદર્શન હેઠળ પોલીસ સબ ઇન્સ્પેક્ટર શ્રી કે.યુ. ચૌધરી તથા પોલીસ સબ ઇન્સ્પેક્ટર શ્રી પી.એમ. ઝાલાની રાહબરી હેઠળ એસ.ઓ.જી. સ્ટાફે હિંમતનગર એ ડિવિઝન પોલીસ સ્ટેશન વિસ્તારમાં પેટ્રોલીંગ કરી રહ્યા હતા.

પેટ્રોલીંગ દરમિયાન સાથના અધિકારીઓ અ.હે.કોન્સ. વિક્રમસિંહ મંગળસિંહ (બ.નં-૫) તથા અ.પો.કોન્સ. ગોપાલકુમાર પ્રવિણભાઈ (બ.નં-૭૩૨) ને તેમના હ્યુમન સોર્સ દ્વારા મળેલી બાતમી પ્રમાણે અમદાવાદ મધ્યસ્થ જેલમાંથી વચગાળાના જામીન પરથી ફરાર પાકા કામના કેદી આરોપી નં-૧૬૩૧૮ ગોવિંદકુમાર પ્રકાશભાઈ ભગોરાને શોધવામાં આવ્યો હતો. આ કેદી મૂળ રહેવાસી મુંડવારા, તા. ખેરવાડા, જિ. ઉદેપુર (રાજસ્થાન) હોવાનું અને હાલ રહેવાસી અકોલી, તા. શીહોરી, જિ. બનાસકાંઠા હોવાનું જાણવા મળ્યું હતું. પોલીસે હિંમતનગર મોતીપુરા પીક અપ સ્ટેન્ડ આગળ રોડ પરથી આ કેદીને મળી આવતાં તેને હસ્તગત કર્યું હતું.

સદરી કેદી આરોપીને હિંમતનગર એ ડિવિઝન પોલીસ સ્ટેશનમાં નોંધ કરાવી હતી. ત્યારબાદ તેને જિલ્લા જેલ, હિંમતનગર ખાતે સુપરત કરવામાં આવ્યો છે. આ કામગીરીમાં પોલીસ સબ ઇન્સ્પેક્ટર શ્રી કે.યુ. ચૌધરી, પોલીસ સબ ઇન્સ્પેક્ટર શ્રી પી.એમ. ઝાલા, હેડ કોન્સ્ટેબલ વિક્રમસિંહ સોલંકી, પી.સી. ગોપાલભાઈ, હેડ કોન્સ્ટેબલ વિક્રમસિંહ પરમાર, પી.સી. અનિરૂધ્ધસિંહ, હેડ કોન્સ્ટેબલ રાજેશકુમાર, હેડ કોન્સ્ટેબલ પ્રકાશકુમાર તથા પી.સી. કરણસિંહનો સમાવેશ થાય છે.
📲Get App