🔥 ट्रेंडिंग झारखंड सरकार ने 44 भर्ती परीक्षाओं को... झारखंड में वेतन न मिलने के कारण एम्बुल... विरेंद्र सहवाग ने एमएस धोनी के रिटायरम... पाकिस्तानी आदमी ने ऑटो‑रिक्शा में महिल... मनोरमा न्यूज़ ने 19 नवंबर 2026 को 9:30... चंद्रपुर पुलिस ने 54 संगठित अपराधियों...
20 नव. 2026•
ગુજરાતી मराठी ਪੰਜਾਬੀ বাংলা
જાફરાબાદના મીઠાપુરમાં મહિલાને ઘોકાથી માર મારી જાનથી મારી નાખવાની ધમકી
अपराध

જાફરાબાદના મીઠાપુરમાં મહિલાને ઘોકાથી માર મારી જાનથી મારી નાખવાની ધમકી

✍️ रिपोर्टर: Rangpara Shaileshbhai 🗓 06 अक्टू. 2026, 10:36 PM 👁 78
यहाँ देखें: 📘 Facebook
शेयर करें: 💬 WhatsApp 📘 Facebook 𝕏 Post

જાફરાબાદના મીઠાપુર ગામે બે આરોપીઓએ મહિલાને ઘોકાથી માર મારીને ઘા લગાવ્યા હતા. આરોપીઓએ મહિલાના મોઢા પર હાથ મૂકીને રાડો પાડવાથી રોકીને જાનથી મારી નાખવાની ધમકી આપી હતી.

જાફરાબાદના મીઠાપુર ગામે બે આરોપીઓએ મહિલાને ઘોકાથી માર મારીને ઘા લગાવ્યા હતા. આરોપીઓએ મહિલાના મોઢા પર હાથ મૂકીને રાડો પાડવાથી રોકીને 'બીજીવાર શિખામણ આપવા જઈશ તો બંને જણાને પતાવી દઈશું' તેમ કહીને જાનથી મારી નાખવાની ધમકી આપી હતી. આ ઘટના અંગે ફૂલીબેન છનાભાઈ મકવાણા (ઉંમર ૪૫ વર્ષ) એ અશોકભાઈ સુખાભાઈ મકવાણા અને દીપકભાઈ શીવરભાઈ ચૌહાણ સામે ફરિયાદ નોંધાવી છે.

ફરિયાદ મુજબ, ફૂલીબેનએ એકાદ મહિના પહેલા અશોકભાઈને સુધારવા બાબતે તેમની પત્નીને ટપકો આપ્યો હતો. જેની દાઝ રાખીને આરોપીઓએ તેમના ઘરમાં પ્રવેશ કર્યો હતો. ત્યારે ફૂલીબેન અને તેમના પતિ ઓસરીમાં સૂતા હતા. આરોપીઓએ લાકડાના ઘોકાથી બંને પર હુમલો કર્યો હતો.

ફૂલીબેન રાડો પાડવા જતાં અશોકભાઈએ તેમના મોઢા પર હાથ મૂકીને 'રાડો કે દેકારો ન કર' કહ્યું હતું. આરોપીઓએ ઘોકાથી આડેધડ માર મારીને ફૂલીબેનના પગમાં સાથળના ભાગે, ઘૂંટણના ભાગે અને ડાબા પગની ઘૂંટીના ભાગે ઘા લગાવ્યા હતા. તેમના પતિ જાગી જતાં બંને આરોપીઓએ તેમને ગાળો આપી હતી.

આ ઘટના બાદ નાગેશ્રી પોલીસ સ્ટેશનના હેડ કોન્સ્ટેબલ એ. વી. દાફડા વધુ તપાસ કરી રહ્યા છે.
📲Get App