🔥 TRENDING Trump Says Limiting Nuclear Arms Is Di... MS Dhoni celebrates 19 years in IPL wi... India's batting coach to address media... Life-size Cane Elephant Unveiled as Ar... Woman Spotted Hanging from Mumbai Loca... Altered Video Shows CDS General N.S. R...
20 Nov 2026•
ગુજરાતી मराठी ਪੰਜਾਬੀ বাংলা
સુરત મેટ્રોમાં 'ડાયમંડ કટ' થીમેટિક ઇન્ટિરિયર: દેશમાં પ્રથમ વખત મુસાફરોને મળશે હીરાનગરીનો અહેસાસ
Local

સુરત મેટ્રોમાં 'ડાયમંડ કટ' થીમેટિક ઇન્ટિરિયર: દેશમાં પ્રથમ વખત મુસાફરોને મળશે હીરાનગરીનો અહેસાસ

✍️ Reporter: Maheta Dhavalkumar Jitendrabhai 🗓 06 Oct 2026, 04:38 PM 👁 79
Share: 💬 WhatsApp 📘 Facebook 𝕏 Post

અમદાવાદ અને ગાંધીનગર પછી હવે સુરતમાં મેટ્રો દોડવા તૈયાર છે. દેશમાં પ્રથમ વખત મેટ્રો બોગીઓમાં હીરાના કટ્સ પર આધારિત થીમેટિક ઇન્ટિરિયર મુકવામાં આવ્યું છે, જે મુસાફરોને શહેરની હીરા ઉદ્યોગની ઓળખનો અહેસાસ કરાવશે.

ગુજરાતના અમદાવાદ અને ગાંધીનગર પછી હવે સુરતમાં મેટ્રો દોડવા તૈયાર છે. મેટ્રોના બોગીઓના અંદરના ઈન્ટિરિયરનો ફર્સ્ટ લૂક સામે આવ્યો છે, જેમાં હીરાના વિવિધ કટ્સ પર આધારિત ડિઝાઈન કરવામાં આવી છે. આ ડાયમંડ કટ્સ આધારિત થીમેટિક ઇન્ટિરિયર સાથે દેશની અનોખી મેટ્રો સુરતને મળવાની છે, જે મુસાફરોને બોગીમાં બેસતાં જ હીરાનગરીનો અહેસાસ કરાવશે.

તાપી નદીના પવિત્ર તટ પર વસેલા સુરત શહેરનો પરિવહન ઇતિહાસ સદીઓ જૂનો રહ્યો છે. એક જમાનામાં જળમાર્ગો, બગ્ગી અને ઘોડાગાડી સુરતની ઓળખ હતા, પરંતુ સમય જતાં ટેક્સટાઇલ અને હીરા ઉદ્યોગના પ્રચંડ વિકાસ સાથે ઓટોરિક્ષા તથા સ્થાનિક બસ સેવાઓ શરૂ થઈ. ત્યારબાદ 'બ્રિજ સિટી' તરીકે દેશભરમાં ખ્યાતિ પામેલા સુરતે વિશાળ BRTS નેટવર્ક ઊભું કર્યું હતું. હવે વડાપ્રધાન નરેન્દ્ર મોદીના 'વિકસિત ભારત'ના સંકલ્પ અને મુખ્યમંત્રી ભૂપેન્દ્ર પટેલના નેતૃત્વ હેઠળ સુરતમાં દેશની સૌથી આધુનિક મેટ્રો ટ્રેન દોડવા જઈ રહી છે, જે શહેરના અર્બન ટ્રાન્સફોર્મેશનને નવી વૈશ્વિક ઊંચાઈ આપશે.

શહેરની વૈશ્વિક ઓળખ સમા હીરા ઉદ્યોગની ઝલક મુસાફરોને મેટ્રોમાં પ્રવેશતાં જ મળશે. મેટ્રો ટ્રેનની અંદર સિલિંગ અને એલિવેશનમાં હીરાના વિવિધ આકર્ષક કટ્સ અને 'ડાયમંડ ફેસિટ્સ'ની કલાત્મક ડિઝાઈન કંડારવામાં આવી છે. ભારતભરમાં કોઈપણ મેટ્રો પ્રોજેક્ટમાં આ પ્રકારનું થીમેટિક ડાયમંડ ઈન્ટિરિયર પ્રથમ વખત સાકાર થઈ રહ્યું છે, જે મુસાફરી દરમિયાન મુસાફરોને રત્નનગરીના અનોખા વૈભવનો અહેસાસ કરાવશે.
📲Get App