🔥 TRENDING Jharkhand Police Portal Crash Forces R... 92-Year-Old Woman Escapes Nursing Home... TPCC chief accuses BRS of betraying Te... Morning haze lingers in Hyderabad as r... New predatory aquatic insect species i... Cyclone Akvan Forces Cancellation of 4...
20 Nov 2026•
ગુજરાતી मराठी ਪੰਜਾਬੀ বাংলা
જાફરાબાદ પોલીસ દ્વારા સરકેશ્વર બીચ પર ભવ્ય સ્વચ્છતા અભિયાન
Local

જાફરાબાદ પોલીસ દ્વારા સરકેશ્વર બીચ પર ભવ્ય સ્વચ્છતા અભિયાન

✍️ Reporter: Rangpara Shaileshbhai 🗓 04 Oct 2026, 09:14 AM 👁 81
Share: 💬 WhatsApp 📘 Facebook 𝕏 Post

વડાપ્રધાન મોદીના જન્મદિવસ નિમિત્તે 'સેવા સંકલ્પ અભિયાન' હેઠળ જાફરાબાદ પોલીસ, મરીન પોલીસ, કોસ્ટ ગાર્ડ સહિત 250 જવાનોએ 800 મીટર બીચ પટ્ટા પરથી પ્લાસ્ટિક અને દરિયાઈ કચરો એકત્ર કરી બીચને ચમકાવ્યો.

જાફરાબાદ, અમરેલી | તા. 3 ઓક્ટોબર 2026

વડાપ્રધાન નરેન્દ્રભાઈ મોદીના જન્મદિવસ નિમિત્તે 17 સપ્ટેમ્બરથી 17 ઓક્ટોબર સુધી સમગ્ર અમરેલી જિલ્લામાં ચાલી રહેલા 'સેવા સંકલ્પ અભિયાન' અંતર્ગત જાફરાબાદ પોલીસ દ્વારા સરકેશ્વર બીચ પર એક ભવ્ય સ્વચ્છતા અભિયાનનું આયોજન કરવામાં આવ્યું હતું.

આ સ્વચ્છતા અભિયાનમાં જાફરાબાદ ટાઉન પોલીસ, મરીન પોલીસ સ્ટેશન, કોસ્ટ ગાર્ડ, GRD અને SRD ના આશરે 250 જવાનોએ સવારે 7 થી 10 વાગ્યા દરમિયાન ભાગ લીધો હતો. જવાનોએ 800 મીટર લાંબા બીચ પટ્ટા પરથી પ્લાસ્ટિક બોટલ, પ્લાસ્ટિક કચરો અને દરિયાઈ કચરો હાથમાં થેલીઓ, ગ્લોવ્ઝ અને સ્ટીક લઈને એકત્ર કર્યો હતો. એકત્ર કરાયેલા કચરાનો નિકાલ ટ્રેક્ટર-ટ્રોલી દ્વારા કરવામાં આવ્યો હતો.

આ પ્રસંગે પોલીસ અધિકારીઓએ જણાવ્યું હતું કે, 'સ્વચ્છ સાગર, સુરક્ષિત સાગર' અને સ્વચ્છ ભારત મિશનને સાર્થક કરવા માટે પોલીસ માત્ર સુરક્ષા જ નહીં, પરંતુ સેવા માટે પણ હંમેશા તત્પર રહે છે. તેમણે બીચ પર આવતા પ્રવાસીઓ અને માછીમારોને પણ પ્લાસ્ટિકનો કચરો ન ફેંકવા અને બીચને સ્વચ્છ રાખવા અપીલ કરી હતી.

ઉલ્લેખનીય છે કે, આ પહેલા 19 સપ્ટેમ્બરના રોજ પણ જાફરાબાદ મરીન પોલીસ દ્વારા વિદ્યાર્થીઓની મદદથી આ જ બીચ પર ક્લીનઅપ ડ્રાઈવનું આયોજન કરવામાં આવ્યું હતું. પોલીસની આ પ્રશંસનીય કામગીરીને સ્થાનિક લોકો દ્વારા ખૂબ જ બિરદાવવામાં આવી રહી છે. આ અભિયાનમાં સ્થાનિક ગ્રામ પંચાયત અને મરીન એન્ડ કોસ્ટલ ડેવલપમેન્ટ વિભાગનો પણ સહયોગ પ્રાપ્ત થયો હતો.
📲Get App