🔥 TRENDING Sarkari school hua chhori Swami Aseemanand’s radical service to... ଢେଙ୍କାନାଳ ଜିଲ୍ଲାରେ ବାତ୍ୟା 'ଆକଭାନ' ନିମି... ସାଇକ୍ଲୋନ୍ ଆକ୍ବାନ୍: ଢେଙ୍କାନାଳ ପୌରପାଳିକା... US Companies Ramp Up Design and Resear... Ahmedabad Hosts Third All India Police...
20 Nov 2026•
ગુજરાતી मराठी ਪੰਜਾਬੀ বাংলা
લીલીયા મોટા ગામમાં સ્વચ્છતા વ્યવસ્થા સામે સ્થાનિકોમાં રોષ
Local

લીલીયા મોટા ગામમાં સ્વચ્છતા વ્યવસ્થા સામે સ્થાનિકોમાં રોષ

✍️ Reporter: Rangpara Shaileshbhai 🗓 03 Oct 2026, 04:45 PM 👁 62
Share: 💬 WhatsApp 📘 Facebook 𝕏 Post

લીલીયા મોટા ગામમાં કચરાના ઢગલા અને ગંદકીને કારણે સ્થાનિકોમાં ભારે અસંતોષ જોવા મળી રહ્યો છે. પંચાયતની બેદરકારી સામે લોકોએ યોગ્ય વ્યવસ્થાની માંગ કરી છે.

લીલીયા મોટા ગામમાં સ્વચ્છતા વ્યવસ્થાને લઈને સ્થાનિકોમાં ભારે અસંતોષ જોવા મળી રહ્યો છે. ગામના વિવિધ વિસ્તારોમાં કચરાના ઢગલા તેમજ તૂટેલી અને ઉભી કચરાપેટીઓ જોવા મળતી હોવાની ફરિયાદો ઉઠી છે. સ્થાનિકોના જણાવ્યા મુજબ, કચરો સમયસર ઉપાડવામાં ન આવતાં ગામમાં ગંદકીનું સામ્રાજ્ય વધી રહ્યું છે.

કચરામાં રહેલું પ્લાસ્ટિક રખડતા પશુઓ ખાઈ જતાં તેમના આરોગ્ય સામે પણ જોખમ ઊભું થવાની ચિંતા વ્યક્ત કરવામાં આવી છે. સફાઈ કર્મચારીઓના જણાવ્યા મુજબ, ગલીઓમાંથી એકત્ર કરાયેલો કચરો સમયસર ઉપાડવા માટે પંચાયતનું વાહન ઉપલબ્ધ ન હોવાના કારણે કચરો જ્યાંનો ત્યાં પડેલો રહે છે, જેના કારણે સમસ્યા વકરી રહી છે.

ગામમાં કેટલાક સ્થળોએ કચરો સળગાવવામાં આવતો હોવાના પણ આક્ષેપો થયા છે. પ્લાસ્ટિક સળગાવવાથી ફેલાતા ધુમાડા અને દુર્ગંધને કારણે સ્થાનિકોને ભારે હાલાકી ભોગવવી પડે છે. ખાસ કરીને, ગ્રામ પંચાયતના પાછળના ભાગે તેમજ કન્યા શાળાના ગેટ નજીક પણ કચરાના મોટા ઢગલા હોવાની રજૂઆત કરવામાં આવી છે.

આ સમગ્ર મુદ્દે, ગ્રામ પંચાયત તંત્ર દ્વારા નિયમિત સફાઈ, કચરાના સમયસર પરિવહન અને તેના યોગ્ય નિકાલની વ્યવસ્થા તાત્કાલિક ધોરણે કરવામાં આવે તેવી માંગ સ્થાનિકો દ્વારા કરવામાં આવી છે.
📲Get App