🔥 TRENDING Leigh Francis Joins ‘I’m a Celebrity’,... Court Says Husband Must Prove Wife Kne... बिजली राजस्व वसूली और ऊर्जा खपत की निग... Maharashtra toddler's video hits 137 m... Politicians Use GTA‑Style Memes to Tar... Russell Brand’s 2017 Wedding to Laura...
20 Nov 2026•
ગુજરાતી मराठी ਪੰਜਾਬੀ বাংলা
કોસંબા ગ્રામ સભામાં ગ્રામજનોએ અટકેલા કામો અને સમસ્યાઓ મુદ્દે ઉગ્ર રજૂઆતો કરી
Local

કોસંબા ગ્રામ સભામાં ગ્રામજનોએ અટકેલા કામો અને સમસ્યાઓ મુદ્દે ઉગ્ર રજૂઆતો કરી

✍️ Reporter: Maheta Dhavalkumar Jitendrabhai 🗓 03 Oct 2026, 07:34 AM 👁 64
Watch on: 📘 Facebook
Share: 💬 WhatsApp 📘 Facebook 𝕏 Post

ગાંધી જયંતિ નિમિત્તે કોસંબા ગ્રામ પંચાયતમાં યોજાયેલી ગ્રામ સભામાં ગામના અટકેલા કામો અને વિવિધ સમસ્યાઓને લઈને ગ્રામજનોએ ઉગ્ર રજૂઆતો કરતા સભા ગરમાગરમ બની હતી.

ગાંધી જયંતિ નિમિત્તે કોસંબા ગ્રામ પંચાયતમાં એક ખાસ ગ્રામ સભાનું આયોજન કરવામાં આવ્યું હતું. આ સભા દરમિયાન, ગામના અટકેલા વિકાસ કાર્યો અને સ્થાનિક સ્તરે પ્રવર્તતી વિવિધ સમસ્યાઓને લઈને ગ્રામજનોએ પોતાની રજૂઆતો કરી હતી. ગ્રામજનોના પ્રશ્નો અને માંગણીઓને કારણે સભામાં ભારે ચર્ચા અને ઉગ્ર વાતાવરણ સર્જાયું હતું.

ગ્રામજનોએ ગ્રામ પંચાયતની કામગીરી સામે આક્રોશ વ્યક્ત કર્યો હતો. તેમનો આરોપ હતો કે ગ્રામ સભાઓ માત્ર કાગળ પર જ યોજાય છે અને વાસ્તવિકતામાં ગામના વિકાસ માટે કોઈ નક્કર પગલાં લેવાતા નથી. ગેરકાયદેસર બાંધકામો સામે પંચાયત દ્વારા માત્ર નોટિસ આપીને સંતોષ માનવામાં આવતો હોવાનો આક્ષેપ પણ કરવામાં આવ્યો હતો.

આ ઉપરાંત, ડોડીયા વિસ્તારના રહેણાંક પ્રશ્નો અને સલીમ ભાઈ હંસાની ખેતીની જમીન અંગેની અરજીનો હજુ સુધી નિકાલ ન આવવા બદલ પણ ગ્રામજનોએ પોતાની નારાજગી વ્યક્ત કરી હતી અને તાત્કાલિક ધોરણે આ પ્રશ્નોના નિરાકરણની માંગ કરી હતી.
📲Get App