🔥 TRENDING Fire Breaks Out During Safety Equipmen... Indian Youth Delay Marriage Over Finan... Trump Says Limiting Nuclear Arms Is Di... MS Dhoni celebrates 19 years in IPL wi... India's batting coach to address media... Life-size Cane Elephant Unveiled as Ar...
20 Nov 2026•
ગુજરાતી मराठी ਪੰਜਾਬੀ বাংলা
સુરતના સાંસદ મુકેશ દલાલ ગાંધી જયંતિને બદલે પુણ્યતિથિ બોલ્યા, ભારે ચર્ચા
Local

સુરતના સાંસદ મુકેશ દલાલ ગાંધી જયંતિને બદલે પુણ્યતિથિ બોલ્યા, ભારે ચર્ચા

✍️ Reporter: Maheta Dhavalkumar Jitendrabhai 🗓 03 Oct 2026, 12:16 AM 👁 81
Watch on: 📘 Facebook
Share: 💬 WhatsApp 📘 Facebook 𝕏 Post

સુરતમાં ગાંધી જયંતિ નિમિત્તે યોજાયેલા કાર્યક્રમમાં સાંસદ મુકેશ દલાલે મહાત્મા ગાંધીની જન્મજયંતિને બદલે પુણ્યતિથિનો ઉલ્લેખ કરતાં ભારે ચર્ચા જગાવી છે. આ ઘટના રાષ્ટ્રપિતાને તેમના જન્મદિવસે યાદ કરતી વખતે બની હતી.

આજે સમગ્ર દેશમાં રાષ્ટ્રપિતા મહાત્મા ગાંધીની જન્મજયંતિની ભવ્ય ઉજવણી કરવામાં આવી રહી છે અને દેશભરમાં બાપુને નમન કરવામાં આવી રહ્યા છે. આ પાવન અવસરે સુરત શહેરમાં પણ વિવિધ કાર્યક્રમો યોજાયા હતા. પરંતુ, આ પ્રસંગે સુરતના સાંસદ મુકેશ દલાલે મીડિયા સમક્ષ મહાત્મા ગાંધીની જન્મજયંતિને બદલે 'પુણ્યતિથિ' શબ્દનો પ્રયોગ કરીને મોટી ભૂલ કરી હતી. એક તરફ આખો દેશ બાપુને તેમના જન્મદિવસે યાદ કરી રહ્યો છે, ત્યારે એક ચૂંટાયેલા સાંસદની આ ભૂલ હાલ ભારે ચર્ચાનો વિષય બની છે.

સુરતના ઐતિહાસિક ગાંધી બાગ ખાતે ગાંધી જયંતિ નિમિત્તે એક ખાસ ગાંધી વંદના કાર્યક્રમનું આયોજન કરવામાં આવ્યું હતું. આ કાર્યક્રમમાં મહાત્મા ગાંધીની પ્રતિમાને સૂતરની આંટી પહેરાવીને પુષ્પાંજલિ અર્પણ કરવા માટે સુરતના લોકસભા સાંસદ મુકેશ દલાલ વિશેષ રૂપે ઉપસ્થિત રહ્યા હતા.

આ મહત્વના કાર્યક્રમમાં તેમની સાથે સુરત શહેર ભારતીય જનતા પાર્ટીના પ્રમુખ પરેશ પટેલ, મહાનગરપાલિકાની સ્થાયી સમિતિના ચેરમેન રાજન પટેલ સહિતના અન્ય સિનિયર પદાધિકારીઓ અને નેતાઓ પણ હાજર હતા. આ પ્રસંગે સાંસદ દલાલ દ્વારા કરવામાં આવેલી ભૂલને કારણે સમગ્ર કાર્યક્રમમાં થોડી અણધાર્યા ચર્ચાનો માહોલ સર્જાયો હતો.
📲Get App