🔥 TRENDING ਕੈਬਿਨੇਟ ਮੰਤਰੀ ਮੋਹਿੰਦਰ ਭਗਤ ਦਾ ਨਾਮ ਦੂਜੀ... ਹੋਟਲ ਵਿੱਚ ਕਤਲ ਦੇ ਬਾਅਦ ਗੰਜਾ ਲੁਕਾਉਣ ਦੀ ਕ... गोपालगंज पहुंचे राजद सुप्रीमो लालू प्र... ବାତ୍ୟା ଆଲର୍ଟ ମଧ୍ୟରେ ରେଳ ଚଳାଚଳ ଦେରୀ: ଭୁ... ଭୁବନେଶ୍ୱରରେ 9 ଲକ୍ଷ ଟଙ୍କା ସାଇବର ଠକେଇ ମା... ଓଡ଼ିଶା ଶାସନ ଭବନରେ ଅପରାହ୍ନ ୪ଟା ଯାଏଁ ହୋହ...
20 Nov 2026•
ગુજરાતી मराठी ਪੰਜਾਬੀ বাংলা
રાજકોટ: ભક્તિનગર સર્કલ પાસે ધોળા દિવસે વિમલ વાણીયાની સરાજાહેરમાં હત્યા
Crime

રાજકોટ: ભક્તિનગર સર્કલ પાસે ધોળા દિવસે વિમલ વાણીયાની સરાજાહેરમાં હત્યા

✍️ Reporter: Sagar Bhanderi 🗓 03 Oct 2026, 11:55 AM 👁 94
Watch on: ▶️ YouTube
Share: 💬 WhatsApp 📘 Facebook 𝕏 Post

રાજકોટના ભક્તિનગર સર્કલ નજીક કોલેજીયન પાન પાસે અજાણ્યા શખ્સોએ વિમલ વાણીયા નામના વ્યક્તિ પર સરાજાહેરમાં છરી વડે હુમલો કરી હત્યા નિપજાવી હતી. આ ઘટનાથી સમગ્ર વિસ્તારમાં ચકચાર મચી જવા પામી છે.

રાજકોટ શહેરમાં ગુનાખોરીનો ગ્રાફ સતત વધી રહ્યો છે. શહેરના ભક્તિનગર સર્કલ નજીક કોલેજીયન પાન પાસે આજે ધોળા દિવસે એક યુવકની જાહેરમાં છરીના ઘા મારી હત્યા કરવામાં આવી છે. મૃતકનું નામ વિમલ વાણીયા હોવાનું પ્રાથમિક રીતે જાણવા મળ્યું છે.

પ્રત્યક્ષદર્શીઓના જણાવ્યા અનુસાર, અજાણ્યા શખ્સોએ વિમલ વાણીયા પર અચાનક હુમલો કર્યો હતો અને છરી વડે અનેક ઘા માર્યા હતા. લોહીલુહાણ હાલતમાં વિમલ વાણીયાને સારવાર માટે ખસેડવામાં આવે તે પહેલાં જ તેનું મોત નીપજ્યું હતું. આ ઘટના બાદ હુમલાખોરો ઘટનાસ્થળેથી ફરાર થઈ ગયા હતા.

આ ઘટનાની જાણ થતાં પોલીસ કાફલો ઘટનાસ્થળે દોડી આવ્યો હતો અને તપાસ હાથ ધરી હતી. પોલીસે મૃતદેહને પોસ્ટમોર્ટમ માટે ખસેડી આગળની કાર્યવાહી હાથ ધરી છે. પોલીસે સીસીટીવી ફૂટેજના આધારે હુમલાખોરોને ઝડપી પાડવા માટે નાકાબંધી કરી શોધખોળ શરૂ કરી છે. આ હત્યા પાછળનું કારણ હજુ સ્પષ્ટ થયું નથી.
📲Get App