🔥 TRENDING Indian Youth Delay Marriage Over Finan... Trump Says Limiting Nuclear Arms Is Di... MS Dhoni celebrates 19 years in IPL wi... India's batting coach to address media... Life-size Cane Elephant Unveiled as Ar... Woman Spotted Hanging from Mumbai Loca...
20 Nov 2026•
ગુજરાતી मराठी ਪੰਜਾਬੀ বাংলা
ઉનાઈ નાકા પાસે ગેસ લાઇન ખોદકામ બાદ ખાડાઓ વાહનચાલકો અને વિદ્યાર્થીઓ માટે જોખમી બન્યા
Local

ઉનાઈ નાકા પાસે ગેસ લાઇન ખોદકામ બાદ ખાડાઓ વાહનચાલકો અને વિદ્યાર્થીઓ માટે જોખમી બન્યા

✍️ Reporter: Maheta Dhavalkumar Jitendrabhai 🗓 03 Oct 2026, 07:22 AM 👁 71
Watch on: 📘 Facebook
Share: 💬 WhatsApp 📘 Facebook 𝕏 Post

વાપી-શામળાજી હાઇવે પર ઉનાઈ નાકા વિસ્તારમાં ખાનગી કંપની દ્વારા ગેસ લાઇન કનેક્શન માટે કરાયેલું ખોદકામ યોગ્ય રીતે ન પૂરાતા વાહનચાલકો અને નજીકની શાળાના વિદ્યાર્થીઓ માટે અકસ્માતનો ભય ઊભો થયો છે. સ્થાનિકોએ તાત્કાલિક પુરાણની માંગ કરી છે.

ઉનાઈ નાકા વિસ્તારમાં વાપી-શામળાજી હાઇવેની બાજુમાં ખાનગી કંપની દ્વારા ગેસ લાઇનના ઘરેલું કનેક્શન માટે કરાયેલા ખોદકામ બાદ ખાડાઓ યોગ્ય રીતે ન પૂરાતા વાહનચાલકો માટે મુશ્કેલી અને અકસ્માતનો ખતરો વધી ગયો છે. સ્થાનિકોના જણાવ્યા અનુસાર, ઉનાઈ પંથકમાં છેલ્લા કેટલાક સમયથી અનેક સ્થળોએ ગેસ કનેક્શન માટે ખોદકામ કરવામાં આવ્યું હતું, પરંતુ કેટલાક સ્થળોએ પુરાણની કામગીરી અધૂરી રહી ગઈ છે.

વરસાદી પાણી જમીનમાં ઉતરતા માટી અંદર ધસી જતાં રસ્તાની બાજુના ખાડા વધુ ઊંડા બન્યા છે. ખાસ કરીને ઉનાઈ નાકા નજીક હાઇવેની બાજુમાં એક મોટો ખાડો જોખમી સ્થિતિ ઊભી કરી રહ્યો છે. દિવસ દરમિયાન આ ખાડો દેખાઈ જાય છે, પરંતુ રાત્રિના અંધકારમાં પસાર થતા વાહનચાલકો માટે તે અચાનક જોખમ બની શકે છે. સ્થાનિકોએ એમ પણ જણાવ્યું કે રસ્તાની બાજુમાં રાત્રે વાહન પાર્ક કરવામાં આવે ત્યારે પણ અકસ્માતની શક્યતા વધી જાય છે.

આ વિસ્તારમાં વિદ્યાકિરણ હાઈસ્કૂલ આવેલી હોવાથી વિદ્યાર્થીઓની અવરજવર રહે છે. આવા ખુલ્લા અને ઊંડા ખાડા વિદ્યાર્થીઓ માટે પણ જોખમી સાબિત થઈ શકે છે. ખોદકામ પછી ખાડા ભરવા, માટીનું લેવલિંગ કરવું, જરૂરી સ્થળે બેરિકેડ મૂકવા અને ચેતવણી બોર્ડ લગાવવાની જવાબદારી કોની છે તે મુદ્દે પ્રશ્નો ઊભા થયા છે.

સ્થાનિકો દ્વારા માંગ કરવામાં આવી છે કે જવાબદાર તંત્ર તાત્કાલિક સ્થળ તપાસ કરીને જોખમી ખાડાઓનું યોગ્ય પુરાણ કરાવે અને જ્યાં સુધી સુરક્ષા માટે બેરિકેડ તથા ચેતવણીની વ્યવસ્થા કરવામાં આવે, જેથી કોઈ દુર્ઘટના ન બને.
📲Get App