🔥 TRENDING Russell Brand’s 2017 Wedding to Laura... Celebrities Showcase Indian Jewellery... Indian Weddings Return in Grand Style... Sai Pallavi's OM Event Performance Spa... Actress Keerthy Suresh Clarifies Comme... Prashanth Neel‑presented film ‘418’ pr...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં ટ્રાફિક અને રોજગાર સંતુલન માટે નવી સ્ટ્રીટ વેન્ડિંગ પોલિસી ટૂંક સમયમાં લાગુ થશે
Local

સુરતમાં ટ્રાફિક અને રોજગાર સંતુલન માટે નવી સ્ટ્રીટ વેન્ડિંગ પોલિસી ટૂંક સમયમાં લાગુ થશે

✍️ Reporter: Maheta Dhavalkumar Jitendrabhai 🗓 03 Oct 2026, 07:14 AM 👁 75
Share: 💬 WhatsApp 📘 Facebook 𝕏 Post

સુરત મહાનગરપાલિકા શહેરમાં ટ્રાફિક વ્યવસ્થા અને શેરી ફેરિયાઓના રોજગાર વચ્ચે સુમેળ સાધવા માટે નવી સ્ટ્રીટ વેન્ડિંગ પોલિસી આગામી બે થી ત્રણ મહિનામાં લાગુ કરવાની દિશામાં આગળ વધી રહી છે. આ નીતિ અંતર્ગત અત્યાર સુધીમાં 42 હજારથી વધુ ફેરિયાઓની નોંધણી પૂર્ણ થઈ છે.

સુરત મહાનગરપાલિકા શહેરમાં ટ્રાફિક વ્યવસ્થા અને શેરી ફેરિયાઓના રોજગાર વચ્ચે સંતુલન જાળવવાના ઉદ્દેશ્ય સાથે નવી ‘સ્ટ્રીટ વેન્ડિંગ પોલિસી’ લાગુ કરવાની દિશામાં ગતિ તેજ કરી છે. આગામી બે થી ત્રણ મહિનામાં આ નીતિ સમગ્ર સુરત શહેરમાં અમલમાં મુકાય તેવી પ્રબળ શક્યતાઓ છે. મહાનગરપાલિકા દ્વારા નિયુક્ત ખાનગી કન્સલ્ટન્ટ એજન્સી દ્વારા છેલ્લા કેટલાક સમયથી ચાલી રહેલી સર્વે અને રજીસ્ટ્રેશનની પ્રક્રિયા હવે અંતિમ તબક્કામાં પહોંચી ગઈ છે.

તાજેતરના અહેવાલો અનુસાર, સમગ્ર સુરત શહેરમાં અત્યાર સુધીમાં 42 હજારથી પણ વધુ શેરી ફેરિયાઓ અને સ્ટ્રીટ વેન્ડર્સની અધિકૃત નોંધણી પૂર્ણ થઈ ચૂકી છે. આ નોંધણી પ્રક્રિયા કન્સલ્ટન્ટ એજન્સી દ્વારા હાથ ધરવામાં આવેલા ઝોનવાર વિગતવાર સર્વેનો એક ભાગ છે.

કન્સલ્ટન્ટ એજન્સી દ્વારા કરવામાં આવેલા સર્વેમાં રસપ્રદ આંકડાઓ સામે આવ્યા છે. શહેરમાં સૌથી વધુ ફેરિયાઓ કતારગામ ઝોનમાં નોંધાયા છે, જ્યાં આ સંખ્યા 6,500થી વધુ છે. બીજી તરફ, ઉધના-બી ઝોનમાં સૌથી ઓછા શેરી ફેરિયાઓ રજીસ્ટર થયા હોવાનું સામે આવ્યું છે. આ સર્વેમાં દરેક ઝોનના રસ્તાઓની પહોળાઈ, ટ્રાફિકની ગીચતા, જાહેર અવરજવર અને સ્થાનિક પરિસ્થિતિ જેવા વિવિધ માપદંડોને ધ્યાનમાં રાખીને વિગતવાર ડેટાબેઝ તૈયાર કરવામાં આવ્યો છે. આ ડેટાબેઝનો ઉપયોગ વેન્ડિંગ ઝોન અને નોન-વેન્ડિંગ ઝોન યોગ્ય રીતે નિર્ધારિત કરવા માટે કરવામાં આવશે.
📲Get App