🔥 TRENDING असुद्दीन उबैशी ने चंद्र शेखर आजाद को म... Atul Kumar Rajasthan United eye back-to-back wins... Hisar-Jodhpur Express Resumes Operatio... Drone discovered in residential area n... କାମାକ୍ଷାନଗର ଚିକିତ୍ସାଳୟରେ ଡାକ୍ତରଙ୍କ ମଦ...
19 Nov 2026•
ગુજરાતી मराठी ਪੰਜਾਬੀ বাংলা
હિંમતનગરના સહકારી જીન વિસ્તારમાં પેટ્રોલપંપ પર અસામાજિક તત્વોનો આતંક, વાહનચાલકોમાં ભયનો માહોલ
Crime

હિંમતનગરના સહકારી જીન વિસ્તારમાં પેટ્રોલપંપ પર અસામાજિક તત્વોનો આતંક, વાહનચાલકોમાં ભયનો માહોલ

✍️ Reporter: Ranjanben Dharmendrbhai Panchal 🗓 02 Oct 2026, 04:35 PM 👁 192
Share: 💬 WhatsApp 📘 Facebook 𝕏 Post

હિંમતનગરના સહકારી જીન વિસ્તારમાં આવેલા એક પેટ્રોલપંપ પર બે જૂથના યુવકો ડંડા અને પટ્ટા લઈને સામસામે આવી જતાં મારામારી થઈ હતી. આ ઘટનાને પગલે વાહનચાલકોમાં ભયનો માહોલ સર્જાયો હતો અને સ્થાનિકોમાં રોષ જોવા મળી રહ્યો છે.

સાબરકાંઠાના હિંમતનગરના સહકારી જીન વિસ્તારમાં અસામાજિક તત્વોનો આતંક સામે આવ્યો છે. શહેરના ભરચક વિસ્તારમાં આવેલા એક પેટ્રોલપંપ પર બે જૂથના યુવકો ડંડા અને પટ્ટા લઈને એકબીજા સાથે મારામારી કરવા લાગ્યા હતા. આ દરમિયાન તેઓ બેફામ અશ્લીલ ગાળો બોલી રહ્યા હતા અને એકબીજા પર હુમલા કરી રહ્યા હતા.

આ અચાનક થયેલી મારામારીના કારણે પેટ્રોલપંપ પર ફ્યુલ ભરાવવા આવેલા વાહનચાલકોમાં ભયનો માહોલ જોવા મળ્યો હતો. યુવકો દ્વારા જાહેરમાં મારામારી અને અપશબ્દોના ઉપયોગથી વાહનચાલકો પણ ભયભીત બન્યા હતા. ભરચક વિસ્તારમાં જાહેરમાં અસામાજિક તત્વો બેફામ બનતા સ્થાનિક લોકોમાં ભારે રોષ જોવા મળી રહ્યો છે.

સહકારી જીન વિસ્તારમાં બનેલી આ ઘટનાએ જાહેર સ્થળોએ સુરક્ષા વ્યવસ્થા સામે પણ ગંભીર સવાલો ઉઠાવ્યા છે. સ્થાનિકો દ્વારા આવા તત્વો સામે કડક કાર્યવાહીની માંગ કરવામાં આવી રહી છે.
📲Get App