🔥 TRENDING પ્રાંતિજ નજીક હાઈવે પર અકસ્માતમાં ડીઝલ... திருப்பூரை சேர்ந்த மது மயக்கத்தில் இரு... उमाशंकर के अंदाज में रसड़ा की सियासत म... కృష్ణాజిల్లా గుడివాడ పురపాలక సంఘం ఎన్న... 13 வயது யோகலட்சுமி 19 நவம்பர் 2026 கால... बाड़मेर में चुनावी पारा चढ़ा, परिणाम क...
19 Nov 2026•
ગુજરાતી मराठी ਪੰਜਾਬੀ বাংলা
ઉંડવા સાકળ પ્રાથમિક શાળાની શાનદાર સિદ્ધિ

ઉંડવા સાકળ પ્રાથમિક શાળાની શાનદાર સિદ્ધિ

✍️ Reporter: Bhailalbhai Baria 🗓 01 Oct 2026, 10:42 PM 👁 183
Share: 💬 WhatsApp 📘 Facebook 𝕏 Post
વિજ્ઞાન નાટક મહોત્સવમાં જિલ્લા કક્ષાએ દ્વિતીય ક્રમાંક
નર્મદા જિલ્લાના ગરુડેશ્વર તાલુકાની ઉંડવા સાકળ પ્રાથમિક શાળાના વિદ્યાર્થીઓએ વિજ્ઞાન નાટક મહોત્સવમાં શાનદાર પ્રદર્શન કરી જિલ્લા કક્ષાએ દ્વિતીય ક્રમાંક મેળવી શાળાનું ગૌરવ વધાર્યું છે.
ગુજરાત વિજ્ઞાન અને તકનિકી પરિષદ દ્વારા આયોજિત આ સ્પર્ધા રાજપીપલાના મંથન નર્મદા લોક વિજ્ઞાન કેન્દ્ર ખાતે યોજાઈ હતી. આ વર્ષે સ્પર્ધાનો વિષય “વિજ્ઞાન અને સમાજ” રાખવામાં આવ્યો હતો.
સ્પર્ધામાં ઉંડવા સાકળ પ્રાથમિક શાળાના વિદ્યાર્થીઓએ કૃત્રિમ બુદ્ધિમત્તા, વિદ્યુત વાહનો અને અન્ય વૈજ્ઞાનિક વિષયોને આવરી લેતું નાટક રજૂ કર્યું હતું.
આ નાટકમાં તેજલબેન તડવી, ગૌતમ તડવી, મયુર તડવી, ભવ્ય તડવી, કિશન તડવી, વૈભવ તડવી અને હિરલ તડવીએ ઉત્કૃષ્ટ અભિનય કર્યો હતો.
વિદ્યાર્થીઓને વિજ્ઞાન શિક્ષક અનિલભાઈ બારીયાનું માર્ગદર્શન મળ્યું હતું. વિદ્યાર્થીઓની સુંદર રજૂઆત બદલ તેમને પ્રમાણપત્ર આપી સન્માનિત કરવામાં આવ્યા હતા.
શાળામાં પરત ફર્યા બાદ શિક્ષકો, વાલીઓ અને વિદ્યાર્થીઓ દ્વારા વિજેતા ટીમનું ફૂલહારથી સ્વાગત કરી અભિનંદન પાઠવવામાં આવ્યા હતા.
આ સિદ્ધિથી સમગ્ર શાળા પરિવાર અને ગામમાં આનંદ અને ગૌરવની લાગણી પ્રસરી છે.
ઉંડવા સાકળ પ્રાથમિક શાળાના તમામ વિદ્યાર્થીઓ અને માર્ગદર્શક શિક્ષક અનિલભાઈ બારીયાને ખૂબ ખૂબ અભિનંદન.
📲Get App