🔥 TRENDING सेक्टर 12 स्थित श्री श्याम मंदिर में भ... ବାଲେଶ୍ବର ଜିଲ୍ଲାରେ ସମସ୍ତ ସ୍କୁଲ ଓ ଅଙ୍ଗନବ... ବାତ୍ୟା ଚେତାବନୀରେ ପୂର୍ବତଟ ରେଲୱେ ଆଜି ଛଅଟ... ୧୩ କିମି/ଘଣ୍ଟା ବେଗରେ ଚଳିତ ସାଇକ୍ଲୋନ୍ ଆକ୍... ଫେବ୍ରୁଆରୀ ୧୬ରୁ ଆରମ୍ଭ ହେବା ଯୁକ୍ତ ୨ ପରୀକ... Cyclone Aqwan 20-21 ତାରିଖରେ ଶିମିଳିପାଳ...
19 Nov 2026•
ગુજરાતી मराठी ਪੰਜਾਬੀ বাংলা
ଓଡ଼ିଶାରେ ଆସନ୍ତା ୩ ଦିନ ବର୍ଷା ଓ ଘଡ଼ଘଡ଼ି ସମ୍ଭାବନା; ଉତ୍ତର ଓ ଉପକୂଳ ଜିଲ୍ଲାକୁ ୟେଲୋ ଆଲର୍ଟ
Weather

ଓଡ଼ିଶାରେ ଆସନ୍ତା ୩ ଦିନ ବର୍ଷା ଓ ଘଡ଼ଘଡ଼ି ସମ୍ଭାବନା; ଉତ୍ତର ଓ ଉପକୂଳ ଜିଲ୍ଲାକୁ ୟେଲୋ ଆଲର୍ଟ

✍️ Reporter: Deepak Mahapatra 🗓 30 Sep 2026, 01:00 PM 👁 77
Watch on: ▶️ YouTube
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ରାଜ୍ୟର ପାଣିପାଗରେ ପୁଣିଥରେ ପରିବର୍ତ୍ତନ ଦେଖିବାକୁ ମିଳିଛି। ଆସନ୍ତା ତିନି ଦିନ ଯାଏଁ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି ରହିବ ବେଳେ ବିଶେଷକରି ଉତ୍ତର ଏବଂ ଉପକୂଳ ଓଡ଼ିଶାରେ କାଳବୈଶାଖୀ ସୃଷ୍ଟି ହୋଇ ବଜ୍ରପାତ ସହ ପ୍ରବଳ ବର୍ଷା ହେବାର ଆଶଙ୍କା ରହିଛି। ଏହାକୁ ଦୃଷ୍ଟିରେ ରଖି ପାଣିପାଗ ବିଭାଗ ପକ୍ଷରୁ ସମ୍ପୃକ୍ତ ଅଞ୍ଚଳଗୁଡ଼ିକ ପାଇଁ 'ୟେଲୋ ଆଲର୍ଟ' ଜାରି କରାଯାଇଛି।

ଆଞ୍ଚଳକ ପାଣିପାଗ କେନ୍ଦ୍ରର ଆକଳନ ଅନୁଯାୟୀ, ବର୍ଷା ସମୟରେ ଘଣ୍ଟାପ୍ରତି ୩୦ରୁ ୪୦ କିଲୋମିଟର ବେଗରେ ଦ୍ରୁତ ପବନ ପ୍ରବାହିତ ହୋଇପାରେ। ତେଣୁ ଏହି ସମୟ ମଧ୍ୟରେ ବାହାରକୁ ବାହାରିବାବେଳେ ସତର୍କତା ଅବଲମ୍ବନ କରିବାକୁ ଜନସାଧାରଣଙ୍କୁ ପରାମର୍ଶ ଦିଆଯାଇଛି।

ଅକ୍ଟୋବର ୨ରୁ ପାଗରେ ପରିବର୍ତ୍ତନ

ବର୍ଷାର ଏହି ପ୍ରଭାବ ଆସନ୍ତା ଅକ୍ଟୋବର ୨ ତାରିଖ ପର୍ଯ୍ୟନ୍ତ ଜାରି ରହିବା ପରେ ରାଜ୍ୟରେ ପାଗ କ୍ରମଶଃ ଶୁଖିଲା ହେବାକୁ ଲାଗିବ। ତେବେ ସବୁଠି ସମ୍ପୂର୍ଣ୍ଣ ଶୁଖିଲା ପାଗ ରହିବ ନାହିଁ, ବରଂ କିଛି କିଛି ସ୍ଥାନରେ କାଁ ଭାଁ ହାଲୁକା ବର୍ଷା ହେବାର ସମ୍ଭାବନା ରହିଛି।

ବର୍ଷା କମିବା ପରେ ବଢ଼ିବ ଗରମ

ବର୍ଷା ବାତାବରଣ ଦୂର ହେବା ପରେ ରାଜ୍ୟରେ ଦିନର ତାପମାତ୍ରା ପୁଣିଥରେ ବୃଦ୍ଧି ପାଇବ। ଫଳରେ ଆଗାମୀ ଦିନଗୁଡ଼ିକରେ ଲୋକେ ପୁଣି ଗୁଳୁଗୁଳି ଏବଂ ଅଧିକ ତାତି ଅନୁଭବ କରିବେ ବୋଲି ପାଣିପାଗ ବିଶେଷଜ୍ଞମାନେ ମତ ଦେଇଛନ୍ତି।
📲Get App