🔥 ट्रेंडिंग उद्योग में अग्नि सुरक्षा संस्कृति को स... कोलकाता के पाम एवेन्यू पर गोदाम में आग... एमबीआई ने बताया, हत्या केस में खोजे जा... बिहार में जादू टोना के आरोप पर महिला क... पुणे में पुरानी झगड़े में मारे गए पुरु... शशि थारू को होस्ट करने वाली डॉक्यूसीरी...
20 नव. 2026•
ગુજરાતી मराठी ਪੰਜਾਬੀ বাংলা
સુરતના પુણાગામમાં હોટ ફિક્સ વેસ્ટના ઢગલામાં ભીષણ આગ, કાર પણ ભસ્મીભૂત
अपराध

સુરતના પુણાગામમાં હોટ ફિક્સ વેસ્ટના ઢગલામાં ભીષણ આગ, કાર પણ ભસ્મીભૂત

✍️ रिपोर्टर: Maheta Dhavalkumar Jitendrabhai 🗓 30 सित. 2026, 12:32 PM 👁 77
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

સુરતના પુણાગામ વિસ્તારમાં બોરડા ફાર્મ નજીક હોટ ફિક્સના પ્લાસ્ટિક વેસ્ટના ઢગલામાં મોડી રાત્રે આગ લાગતાં ભારે નુકસાન થયું હતું. સ્થાનિકોએ પાલિકા તંત્રની લાપરવાહી સામે રોષ વ્યક્ત કર્યો છે.

સુરતના પુણાગામ વિસ્તારમાં આવેલા બોરડા ફાર્મ નજીક હોટ ફિક્સના પ્લાસ્ટિક વેસ્ટના ઢગલામાં મોડી રાત્રે અચાનક વિકરાળ આગ ફાટી નીકળી હતી. આ આગ એટલી ભયાનક હતી કે નજીકમાં પાર્ક કરેલી એક કાર પણ તેની ઝપેટમાં આવી ગઈ હતી અને કારના કેટલાક ભાગો ઓગળી જતાં ભારે નુકસાન થયું હતું. સ્થાનિક રહીશો દ્વારા અગાઉ સુરત મહાનગરપાલિકામાં વારંવાર રજૂઆતો કરવા છતાં કચરો ફેંકનારા માફિયાઓ સામે કોઈ પગલાં ન લેવાતાં પાલિકા તંત્રની ઘોર લાપરવાહી સામે લોકોમાં ભારે આક્રોશ જોવા મળી રહ્યો છે.

આગની ઘટનામાં ક્ષણભરમાં આગે રૌદ્ર સ્વરૂપ ધારણ કર્યું હતું. પુણાગામ બોરડા ફાર્મ પાસે ખુલ્લી જગ્યામાં ટેક્સટાઈલ સાથે સંકળાયેલા પ્રતિબંધિત હોટ ફિક્સ વેસ્ટના મોટા ઢગલા ખડકી દેવામાં આવ્યા હતા. મોડી રાત્રે અચાનક આ કચરાના ઢગલામાં આગ ભભૂકી ઉઠી હતી.

પ્લાસ્ટિક હોવાને કારણે જોતજોતામાં આગે વિકરાળ સ્વરૂપ ધારણ કરી લીધું હતું અને આકાશમાં કાળા ડિબાંગ ઝેરી ધુમાડાના ગોટેગોટા છવાઈ ગયા હતા, જેનાથી આસપાસના રહીશોમાં ગૂંગળામણ સાથે ભયનો માહોલ સર્જાયો હતો. આગની ઘટના બાદ પાલિકા તંત્રની નિષ્ક્રિયતા સામે સ્થાનિકોમાં ભારે રોષ જોવા મળી રહ્યો છે.
📲Get App