🔥 TRENDING Anirudh Ravichander Shares Rare Weddin... Ranbir Kapoor's 'Ramayana' Tops Box Of... Ramayana Maintains Strong Box Office P... Yash Becomes Only Indian Actor with Tw... Sourav Kothari Tops Group, Secures Spo... Telangana Launches Mee Seva Online Por...
20 Nov 2026•
ગુજરાતી मराठी ਪੰਜਾਬੀ বাংলা
સુરતના પુણાગામમાં હોટ ફિક્સ વેસ્ટના ઢગલામાં ભીષણ આગ, કાર પણ ભસ્મીભૂત
Crime

સુરતના પુણાગામમાં હોટ ફિક્સ વેસ્ટના ઢગલામાં ભીષણ આગ, કાર પણ ભસ્મીભૂત

✍️ Reporter: Maheta Dhavalkumar Jitendrabhai 🗓 30 Sep 2026, 12:32 PM 👁 75
Watch on: ▶️ YouTube
Share: 💬 WhatsApp 📘 Facebook 𝕏 Post

સુરતના પુણાગામ વિસ્તારમાં બોરડા ફાર્મ નજીક હોટ ફિક્સના પ્લાસ્ટિક વેસ્ટના ઢગલામાં મોડી રાત્રે આગ લાગતાં ભારે નુકસાન થયું હતું. સ્થાનિકોએ પાલિકા તંત્રની લાપરવાહી સામે રોષ વ્યક્ત કર્યો છે.

સુરતના પુણાગામ વિસ્તારમાં આવેલા બોરડા ફાર્મ નજીક હોટ ફિક્સના પ્લાસ્ટિક વેસ્ટના ઢગલામાં મોડી રાત્રે અચાનક વિકરાળ આગ ફાટી નીકળી હતી. આ આગ એટલી ભયાનક હતી કે નજીકમાં પાર્ક કરેલી એક કાર પણ તેની ઝપેટમાં આવી ગઈ હતી અને કારના કેટલાક ભાગો ઓગળી જતાં ભારે નુકસાન થયું હતું. સ્થાનિક રહીશો દ્વારા અગાઉ સુરત મહાનગરપાલિકામાં વારંવાર રજૂઆતો કરવા છતાં કચરો ફેંકનારા માફિયાઓ સામે કોઈ પગલાં ન લેવાતાં પાલિકા તંત્રની ઘોર લાપરવાહી સામે લોકોમાં ભારે આક્રોશ જોવા મળી રહ્યો છે.

આગની ઘટનામાં ક્ષણભરમાં આગે રૌદ્ર સ્વરૂપ ધારણ કર્યું હતું. પુણાગામ બોરડા ફાર્મ પાસે ખુલ્લી જગ્યામાં ટેક્સટાઈલ સાથે સંકળાયેલા પ્રતિબંધિત હોટ ફિક્સ વેસ્ટના મોટા ઢગલા ખડકી દેવામાં આવ્યા હતા. મોડી રાત્રે અચાનક આ કચરાના ઢગલામાં આગ ભભૂકી ઉઠી હતી.

પ્લાસ્ટિક હોવાને કારણે જોતજોતામાં આગે વિકરાળ સ્વરૂપ ધારણ કરી લીધું હતું અને આકાશમાં કાળા ડિબાંગ ઝેરી ધુમાડાના ગોટેગોટા છવાઈ ગયા હતા, જેનાથી આસપાસના રહીશોમાં ગૂંગળામણ સાથે ભયનો માહોલ સર્જાયો હતો. આગની ઘટના બાદ પાલિકા તંત્રની નિષ્ક્રિયતા સામે સ્થાનિકોમાં ભારે રોષ જોવા મળી રહ્યો છે.
📲Get App