🔥 TRENDING UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous... Sikkim to Host 3rd All‑India Judges Ba... जैसलमेर में विधायक महंत प्रतापपुरी महा... Bee Swarm Attacks Students at Indore C...
19 Nov 2026•
ગુજરાતી मराठी ਪੰਜਾਬੀ বাংলা
અગોલ પ્રાથમિક શાળાના બાળ વૈજ્ઞાનિકે વેસ્ટમાંથી બનાવ્યું અનોખું ટ્રેક્ટર
Education

અગોલ પ્રાથમિક શાળાના બાળ વૈજ્ઞાનિકે વેસ્ટમાંથી બનાવ્યું અનોખું ટ્રેક્ટર

✍️ Reporter: Hanifbhai Mahammadbhai Jadav 🗓 30 Sep 2026, 07:55 PM 👁 97
Share: 💬 WhatsApp 📘 Facebook 𝕏 Post

અગોલ પ્રાથમિક શાળાના ધોરણ-6ના વિદ્યાર્થી શાહિદભાઈ સિકંદરભાઈ સિપાઈએ વેસ્ટ વસ્તુઓનો ઉપયોગ કરીને એક અનોખું ટ્રેક્ટર મોડેલ બનાવ્યું છે, જેમાં રાત્રિ દરમિયાન કામ કરવા માટે લાઇટની પણ વ્યવસ્થા છે.

અગોલ પ્રાથમિક શાળાના ધોરણ-6 Bના બાળ વૈજ્ઞાનિક શાહિદભાઈ સિકંદરભાઈ સિપાઈએ પોતાની સર્જનાત્મકતા અને ટેકનિકલ સમજણનો ઉપયોગ કરીને વેસ્ટ વસ્તુઓમાંથી એક આકર્ષક ટ્રેક્ટરનું મોડેલ તૈયાર કર્યું છે. આ મોડેલ બનાવવા માટે PVC પાઇપ, લોખંડના સળિયા, સાઇકલની ટ્યુબ અને અન્ય નકામી સામગ્રીનો સર્જનાત્મક ઉપયોગ કરવામાં આવ્યો છે.

આ ટ્રેક્ટરની ખાસિયત એ છે કે તેમાં રાત્રિના સમયે પણ કામ કરી શકાય તે માટે નીચે લાઇટની પણ સુંદર વ્યવસ્થા કરવામાં આવી છે. આ નવીનતા બાળ વૈજ્ઞાનિકની સમસ્યા ઉકેલવાની ક્ષમતા દર્શાવે છે.

આ પ્રવૃત્તિ માટે શાહિદભાઈને શાળાના અન્ય બાળ વૈજ્ઞાનિકો મયંકભાઈ ઠાકોર અને રહીશભાઈ (ધોરણ-7)ના પ્રયત્નોથી પ્રેરણા મળી હતી. શાળાના આચાર્ય શ્રી રાકેશભાઈ પટેલ અને શિક્ષકશ્રી પ્રિયંકાબેન પરમાર તથા દર્શનાબેન પટેલના માર્ગદર્શન હેઠળ આ કાર્ય સંપન્ન થયું.

“વેસ્ટમાંથી બેસ્ટ” બનાવવાની આ પ્રવૃત્તિ બાળકોમાં સર્જનાત્મકતા, વૈજ્ઞાનિક અભિગમ અને નવીનતા લાવવાની હિંમત વિકસાવે છે, જે નવી શિક્ષણ નીતિના 'પ્રયોગ કરો, શીખો અને સર્જન કરો'ના ભાવને સાર્થક કરે છે. શાળા અને શિક્ષકોએ બાળ વૈજ્ઞાનિક શાહિદભાઈને અભિનંદન પાઠવી ઉજ્જવળ ભવિષ્ય માટે શુભકામનાઓ વ્યક્ત કરી છે.
📲Get App