🔥 TRENDING Leadership Drives Stronger Fire Safety... Fire Breaks Out at Warehouse on Kolkat... CBI Reports Fugitive Wanted in Murder... Bihar Woman Abducted and Murdered Over... Pune Man Fatally Shot in Old Dispute,... Shashi Tharoor to Debut as Host of Doc...
20 Nov 2026•
ગુજરાતી मराठी ਪੰਜਾਬੀ বাংলা
ઉમરગામ પોલીસે ગણતરીના દિવસોમાં ગોવાડા ગામની ઘરફોડ ચોરીનો ભેદ ઉકેલ્યો, એક આરોપી ઝડપાયો
Crime

ઉમરગામ પોલીસે ગણતરીના દિવસોમાં ગોવાડા ગામની ઘરફોડ ચોરીનો ભેદ ઉકેલ્યો, એક આરોપી ઝડપાયો

✍️ Reporter: Maheta Dhavalkumar Jitendrabhai 🗓 30 Sep 2026, 09:42 AM 👁 75
Watch on: ▶️ YouTube
Share: 💬 WhatsApp 📘 Facebook 𝕏 Post

ઉમરગામ તાલુકાના ગોવાડા ગામમાં ગણપતિ વિસર્જન સમયે બંધ મકાનમાં થયેલી સોનાના દાગીનાની ચોરીનો ગુનો ઉમરગામ પોલીસે ગણતરીના દિવસોમાં ઉકેલી નાખ્યો છે. પોલીસે એક આરોપીને ઝડપી પાડી ₹1.98 લાખથી વધુનો મુદ્દામાલ કબજે કર્યો છે.

ઉમરગામ તાલુકાના ગોવાડા ગામમાં ગણપતિ વિસર્જન સમયે બંધ મકાનમાં થયેલી સોનાના દાગીનાની ઘરફોડ ચોરીના ગુનાનો ભેદ ઉમરગામ પોલીસે ગણતરીના દિવસોમાં ઉકેલી નાખ્યો છે. પોલીસે આ ગુનામાં સંડોવાયેલા આરોપી સાગર રાજેશભાઈ પટેલ (ઉંમર 29) ને ઝડપી પાડ્યો છે. પોલીસે તેની પાસેથી ચોરીમાં ગયેલ આશરે રૂ. 1,98,090 ની કિંમતનો સોનાનો મુદ્દામાલ કબજે કર્યો છે.

પોલીસ સૂત્રો પાસેથી મળતી માહિતી મુજબ, ઉમરગામ તાલુકાના ગોવાડા ગામના એક દંપતી ગણપતિ વિસર્જન માટે ગયું હતું. આ સમયે તસ્કરોએ તેમના બંધ મકાનને નિશાન બનાવી સોનાના દાગીનાની ચોરી કરી હતી. આ અંગે ઉમરગામ પોલીસ સ્ટેશનમાં ફરિયાદ નોંધાઈ હતી.

આ ગુનાની ગંભીરતાને ધ્યાને લઈ PI એચ.ડી. તુવર અને PSI જે.એસ. રબારીના માર્ગદર્શન હેઠળ ઉમરગામ પોલીસ સ્ટેશનની ટીમે ટેકનિકલ એનાલિસિસ અને હ્યુમન સોર્સિસના આધારે તપાસ શરૂ કરી હતી. તપાસ દરમિયાન પોલીસ આરોપી સાગર પટેલ સુધી પહોંચવામાં સફળ રહી હતી.

પોલીસે આરોપી પાસેથી સોનાનું મંગળસૂત્ર અને સોનાની વીંટી મળી કુલ રૂ. 1,98,090 નો મુદ્દામાલ રિકવર કર્યો છે. આરોપીની પૂછપરછ કરી આગળની કાયદેસરની કાર્યવાહી હાથ ધરવામાં આવી છે.
📲Get App