🔥 TRENDING ଓଡ଼ିଶା ଉପକୂଳକୁ ‘ଅକୱାନ’ ବାତ୍ୟା ଆକ୍ରମଣ,... सेक्टर 12 स्थित श्री श्याम मंदिर में भ... ବାଲେଶ୍ବର ଜିଲ୍ଲାରେ ସମସ୍ତ ସ୍କୁଲ ଓ ଅଙ୍ଗନବ... ବାତ୍ୟା ଚେତାବନୀରେ ପୂର୍ବତଟ ରେଲୱେ ଆଜି ଛଅଟ... ୧୩ କିମି/ଘଣ୍ଟା ବେଗରେ ଚଳିତ ସାଇକ୍ଲୋନ୍ ଆକ୍... ଫେବ୍ରୁଆରୀ ୧୬ରୁ ଆରମ୍ଭ ହେବା ଯୁକ୍ତ ୨ ପରୀକ...
19 Nov 2026•
ગુજરાતી मराठी ਪੰਜਾਬੀ বাংলা
સાબરકાંઠા એસ.ઓ.જી. પોલીસે વડાલી પાસેથી વિસ્ફોટક સામગ્રી સાથે એક આરોપીને ઝડપી પાડ્યો
Crime

સાબરકાંઠા એસ.ઓ.જી. પોલીસે વડાલી પાસેથી વિસ્ફોટક સામગ્રી સાથે એક આરોપીને ઝડપી પાડ્યો

✍️ Reporter: Ranjanben Dharmendrbhai Panchal 🗓 29 Sep 2026, 06:00 PM 👁 81
Share: 💬 WhatsApp 📘 Facebook 𝕏 Post

સાબરકાંઠા એસ.ઓ.જી. પોલીસે બાતમીના આધારે વડાલી પોલીસ સ્ટેશન વિસ્તારમાંથી એક આરોપીને વિસ્ફોટક સામગ્રી સાથે ઝડપી પાડ્યો છે. આ મામલે વધુ તપાસ હાથ ધરવામાં આવી રહી છે.

સાબરકાંઠા એસ.ઓ.જી. પોલીસ દ્વારા ગેરકાયદેસર વિસ્ફોટક સામગ્રીના વેચાણ અને કબજા સામે કડક કાર્યવાહી કરવામાં આવી રહી છે. નાયબ પોલીસ મહાનિરીક્ષકશ્રી વિરેન્દ્રસિંહ યાદવ સાહેબની સૂચના અને પોલીસ અધિક્ષક શ્રી ડૉ. પાર્થરાજસિંહ ગોહિલ સાહેબના માર્ગદર્શન હેઠળ એસ.ઓ.જી. ટીમ સક્રિય છે.

આ સૂચનાઓના પાલનમાં, એસ.ઓ.જી. સાબરકાંઠાના પોલીસ ઇન્સ્પેક્ટર એ.એમ.વાળાના માર્ગદર્શન હેઠળ, પોલીસ સબ-ઇન્સ્પેક્ટર શ્રી કે.યુ.ચૌધરી અને શ્રી પી.એમ.ઝાલાના નેતૃત્વ હેઠળ એસ.ઓ.જી. સ્ટાફ વડાલી પોલીસ સ્ટેશન વિસ્તારમાં પેટ્રોલિંગ કરી રહ્યો હતો. દરમિયાન, તેમને એક વિશ્વસનીય બાતમી મળી હતી.

આ બાતમીના આધારે, પોલીસે વડાલી પોલીસ સ્ટેશન વિસ્તારમાં ધામડી ગામની સીમમાંથી એક શંકાસ્પદ મારુતિ-૮૦૦ ગાડીમાંથી મોટી માત્રામાં વિસ્ફોટક સામગ્રી જપ્ત કરી છે. ગાડીમાં સવાર સુમિતસિંહ ચેનસિંહ (ચૌહાણ) રાજપુત, જે આશાહાલી, નારાયણપુર, તા. રાયપુર, જી. ભીલવાડા, રાજસ્થાનનો રહેવાસી છે અને હાલ શ્રી નગર સોસાયટી, ઇડર, સાબરકાંઠામાં રહે છે, તેને ઝડપી પાડવામાં આવ્યો છે. તેની સામે એક્સપ્લોજીવ એક્ટ મુજબ ગુનો નોંધી કાયદેસરની કાર્યવાહી હાથ ધરવામાં આવી છે.

પોલીસે આ મામલે વધુ તપાસ હાથ ધરી છે અને નાસતા ફરતા આરોપી ચેનસિંહ રેવતસિંહ રાજપુત (ચૌહાણ), જે સુમિતસિંહનો પિતા હોવાનું અનુમાન છે અને તે પણ આશાહાલી, નારાયણપુર, રાયપુર, ભીલવાડા, રાજસ્થાનનો રહેવાસી છે અને હાલ ઇડરમાં રહે છે, તેને ઝડપી પાડવા માટે પણ પ્રયાસો શરૂ કર્યા છે. આ વિસ્ફોટક સામગ્રીનો ઉપયોગ ક્યાં થવાનો હતો તે દિશામાં પણ તપાસ ચાલી રહી છે.
📲Get App