🔥 TRENDING New Upside‑Down Swimming Insect Discov... Amaravati and Bharat Future City Unvei... Odisha schools shut on Nov 20 as Cyclo... Accused in Andhra Chainsaw Attack Disc... Gujarat’s lone tiger could soon get tw... Gujarat awards Rs 438 crore scholarshi...
20 Nov 2026•
ગુજરાતી मराठी ਪੰਜਾਬੀ বাংলা
મહુવા સુગર ફેક્ટરીની ચૂંટણી: સહકાર અને પરિવર્તન પેનલનો વિજય, સમર્થકોમાં ઉત્સાહ
Politics

મહુવા સુગર ફેક્ટરીની ચૂંટણી: સહકાર અને પરિવર્તન પેનલનો વિજય, સમર્થકોમાં ઉત્સાહ

✍️ Reporter: Maheta Dhavalkumar Jitendrabhai 🗓 29 Sep 2026, 11:20 AM 👁 101
Watch on: ▶️ YouTube
Share: 💬 WhatsApp 📘 Facebook 𝕏 Post

સુરત જિલ્લાની પ્રતિષ્ઠિત મહુવા પ્રદેશ ખાંડ ઉદ્યોગ સહકારી મંડળી (બામણિયા સુગર ફેક્ટરી) ની વ્યવસ્થાપક સમિતિની ચૂંટણીની મતગણતરી પૂર્ણ થઈ છે. ભાજપ પ્રેરિત બંને જૂથો વચ્ચેના આ પ્રતિષ્ઠાના જંગમાં સહકાર અને પરિવર્તન પેનલના ઉમેદવારો વિજેતા બન્યા છે.

સુરત જિલ્લા સહકારી ક્ષેત્રની પ્રતિષ્ઠિત મહુવા પ્રદેશ ખાંડ ઉદ્યોગ સહકારી મંડળી (બામણિયા સુગર ફેક્ટરી) ની વ્યવસ્થાપક સમિતિની ચૂંટણીની મતગણતરી આજે, ૨૯ સપ્ટેમ્બર ૨૦૨૬ ના રોજ કડક સુરક્ષા વ્યવસ્થા વચ્ચે સંપન્ન થઈ છે. ગત રવિવારે યોજાયેલા રેકોર્ડબ્રેક ૮૭.૧૯% મતદાન બાદ, આજે સવારથી જ સહકાર અને પરિવર્તન પેનલના ઉમેદવારો તેમજ તેમના સમર્થકોમાં ભારે ઉત્તેજનાનો માહોલ જોવા મળ્યો હતો.

જેમ-જેમ રાઉન્ડ વાઇઝ પરિણામો જાહેર થતા ગયા અને વિજેતા ઉમેદવારોના નામ સામે આવ્યા, તેમ તેમ મતગણતરી કેન્દ્રની બહાર ખુશીનો માહોલ છવાઈ ગયો હતો. વિજેતા ઉમેદવારોના સમર્થકોએ જીતની ઉજવણીમાં ફટાકડા ફોડીને સમગ્ર વાતાવરણ ગજવી મૂક્યું હતું.

સમર્થકો દ્વારા વિજેતા ઉમેદવારોને ફૂલહાર પહેરાવી, અબીલ-ગુલાલ ઉડાડી અને ઢોલ-નગારાના તાલે ઝૂમીને ભવ્ય વિજય સરઘસ કાઢવામાં આવ્યું હતું. ભાજપ પ્રેરિત બંને જૂથો વચ્ચે ખેલાયેલા આ પ્રતિષ્ઠાના જંગમાં વિજય મેળવ્યા બાદ, વિજેતા ઉમેદવારોએ મંડળીના સભાસદો અને ખેડૂતોનો આભાર વ્યક્ત કર્યો હતો.
📲Get App