🔥 TRENDING திருப்பூரை சேர்ந்த மது மயக்கத்தில் இரு... उमाशंकर के अंदाज में रसड़ा की सियासत म... కృష్ణాజిల్లా గుడివాడ పురపాలక సంఘం ఎన్న... 13 வயது யோகலட்சுமி 19 நவம்பர் 2026 கால... बाड़मेर में चुनावी पारा चढ़ा, परिणाम क... Nagaland Unveils New Agarwood Policy t...
19 Nov 2026•
ગુજરાતી मराठी ਪੰਜਾਬੀ বাংলা
ભરૂચ જિલ્લા પંચાયતના પ્રમુખ ડિમ્પલબેન રાજ ખાસ ઉપસ્થિત રહ્યા હતા. તેમના વરદ હસ્તે તાલીમ પૂર્ણ કરનાર મહિલાઓને પ્રમાણપત્ર તેમજ કીટનું વિતરણ કરવામાં આવ્યું હતું.

ભરૂચ જિલ્લા પંચાયતના પ્રમુખ ડિમ્પલબેન રાજ ખાસ ઉપસ્થિત રહ્યા હતા. તેમના વરદ હસ્તે તાલીમ પૂર્ણ કરનાર મહિલાઓને પ્રમાણપત્ર તેમજ કીટનું વિતરણ કરવામાં આવ્યું હતું.

✍️ Reporter: MALEK SIRAJUDDIN I. 🗓 28 Sep 2026, 09:28 PM 👁 90
Share: 💬 WhatsApp 📘 Facebook 𝕏 Post

૪૦ જેટલી મહિલાઓએ ઉત્સાહપૂર્વક ભાગ લીધો હતો. જેમાં ૨૦ મહિલાઓને બ્યુટી પાર્લર કોર્સ અને ૨૦ મહિલાઓને સીવણ ક્લાસની તાલીમ આપવામાં આવી

ઝઘડિયા તાલુકાના સારસા ગામે મહિલા ઉદ્યોગ સાહસિકતાને પ્રોત્સાહન આપવા માટે તાલીમ કાર્યક્રમનું આયોજન કરવામાં આવ્યું હતું. પ્રવીણલતા સંસ્થાન ફાઉન્ડેશન દ્વારા તેમજ એ.ઈ.કોનના સહયોગથી આત્મનિર્ભર ભારત અને મહિલા સાહસિકતા યોજના હેઠળ આ તાલીમનું આયોજન કરવામાં આવ્યું હતું.

કાર્યક્રમની શરૂઆત મહાનુભાવોના હસ્તે દીપ પ્રાગટ્ય કરીને કરવામાં આવી હતી. તાલીમ કાર્યક્રમમાં કુલ ૪૦ જેટલી મહિલાઓએ ઉત્સાહપૂર્વક ભાગ લીધો હતો. જેમાં ૨૦ મહિલાઓને બ્યુટી પાર્લર કોર્સ અને ૨૦ મહિલાઓને સીવણ ક્લાસની તાલીમ આપવામાં આવી હતી.

મહિલાઓને તાલીમ બાદ પોતાના પગ પર ઊભા રહી આત્મનિર્ભર બનવા માટે પ્રોત્સાહિત કરવામાં આવી હતી. કાર્યક્રમમાં ભરૂચ જિલ્લા પંચાયતના પ્રમુખ ડિમ્પલબેન રાજ ખાસ ઉપસ્થિત રહ્યા હતા. તેમના વરદ હસ્તે તાલીમ પૂર્ણ કરનાર મહિલાઓને પ્રમાણપત્ર તેમજ કીટનું વિતરણ કરવામાં આવ્યું હતું.

આ પ્રસંગે જિલ્લા પંચાયત પ્રમુખ ડિમ્પલબેન રાજે જણાવ્યું હતું કે મહિલાઓ તાલીમ મેળવીને સ્વરોજગાર શરૂ કરી પોતાના પરિવારને આર્થિક રીતે સહભાગી બની શકે તે જરૂરી છે. મહિલાઓ આત્મનિર્ભર બને તો પરિવારની આર્થિક સ્થિતિમાં સુધારો થઈ શકે તેમજ બાળકોના સારા ભવિષ્ય માટે પણ મદદરૂપ બની શકે છે. આવા તાલીમ કાર્યક્રમો મહિલાઓને આત્મનિર્ભર બનાવવામાં મહત્વની ભૂમિકા ભજવે છે તેમ તેમણે જણાવ્યું હતું.

કાર્યક્રમ દરમિયાન મહિલાઓમાં પણ ભારે ઉત્સાહ જોવા મળ્યો હતો.

રિપોટર:મલેક સિરાજુદ્દીન જગડીયા
📲Get App