🔥 ट्रेंडिंग छत्तीसगढ़ के बिजापुर के जंगलों में माओ... छत्तीसगढ़ नेक्सल मुक्त घोषित, नई निवेश... छत्तीसगढ़ प्रशासन ने वरिष्ठ आईएएस अधिक... SGPC अध्यक्ष चुनाव: सुखबीर बादल और हरज... पंजाब में बीजेपी की यात्राओं पर सवाल:... पंजाब में पुल गिरा, दो वर्ष बाद मरम्मत...
20 नव. 2026•
ગુજરાતી मराठी ਪੰਜਾਬੀ বাংলা
સાબરકાંઠામાં અનુસૂચિત જનજાતિ લોકનૃત્ય અને લોકવાદ્ય તાલીમ શિબિરનું આયોજન..
स्थानीय

સાબરકાંઠામાં અનુસૂચિત જનજાતિ લોકનૃત્ય અને લોકવાદ્ય તાલીમ શિબિરનું આયોજન..

✍️ रिपोर्टर: એસ એ શિરોયા 🗓 28 सित. 2026, 11:20 PM 👁 75
शेयर करें: 💬 WhatsApp 📘 Facebook 𝕏 Post

સાબરકાંઠા જિલ્લામાં અનુસૂચિત જનજાતિના યુવક-યુવતીઓમાં કલા અને સંસ્કૃતિ પ્રત્યે અભિરુચિ કેળવવા તથા લોક સંસ્કૃતિને જાળવી રાખવાના ઉમદા હેતુ સાથે જિલ્લાકક્ષાએ લોકનૃત્ય અને લોકવાદ્ય તાલીમ શિબિરનું આયોજન કરવામાં આવનાર છે..

સાબરકાંઠા: કમિશનરશ્રી, યુવક સેવા અને સાંસ્કૃતિક પ્રવૃત્તિઓ, ગાંધીનગર દ્વારા પ્રેરિત અને જિલ્લા યુવા અને સાંસ્કૃતિક પ્રવૃત્તિઓની કચેરી, સાબરકાંઠા દ્વારા "જિલ્લાકક્ષાએ અનુસૂચિત જનજાતિ લોકનૃત્ય અને લોકવાદ્ય તાલીમ શિબિર ૨૦૨૬-૨૭" નું આયોજન કરવામાં આવશે.આ તાલીમ શિબિરનો મુખ્ય ઉદ્દેશ અનુસૂચિત જનજાતિના ૧૪ થી ૨૮ વર્ષના યુવક-યુવતીઓમાં તેમની કલા અને સંસ્કૃતિ પ્રત્યેની અભિરુચિ વિકસાવવાનો છે.આ ઉપરાંત અનુસૂચિત જનજાતિની સમૃદ્ધ લોક સંસ્કૃતિને જાળવી રાખવા અને રાજ્યના અન્ય યુવા વર્ગ સાથે સાંસ્કૃતિક આદાન-પ્રદાનને પ્રોત્સાહન આપવાનો પણ આ શિબિરનો હેતુ છે..

આ શિબિરમાં વધુમાં વધુ ૪૦ તાલીમાર્થીઓને જોડવામાં આવશે. જો ૪૦ થી વધુ અરજીઓ પ્રાપ્ત થશે, તો સમિતિ દ્વારા યોગ્ય પસંદગી કરવામાં આવશે. શિબિરમાં ભાગ લેવા ઇચ્છુક તાલીમાર્થીઓએ પ્રવેશપત્ર તથા જન્મતારીખના આધાર સહિત જરૂરી પુરાવા સાથે તા.૧૫ ઓક્ટોબર,૨૦૨૬ સુધીમાં જિલ્લા યુવા અને સાંસ્કૃતિક પ્રવૃત્તિઓની કચેરી,જિલ્લા હોસ્પિટલ કેમ્પસ,સભાજ રોડ,હિંમતનગર,જિ.સાબરકાંઠા ખાતે પોતાની અરજી પહોંચાડવાની રહેશે.વધુ માહિતી માટે જિલ્લા યુવા અને સાંસ્કૃતિક પ્રવૃત્તિઓની કચેરી, સાબરકાંઠા,હિંમતનગરનો સંપર્ક કરવા એક અખબારી યાદીમાં જણાવવામાં આવ્યું છે.
📲Get App