🔥 ट्रेंडिंग कनाडा के प्रधानमंत्री मार्क कार्नी ने... बांग्लादेश के पीएम ने शेख हैसिना पर वि... मोदी ने GTA 6 के जोश से ‘न्यू इंडिया’... डेक्कन हरबर्ड का संपादकीय: राजनीतिक अस... तमिल थ्रिलर ‘ड्रोनस’ 20 नवम्बर 2026 को... ‘Mr Bhaarath’ का थियेटर रिलीज़ 11 दिसं...
20 नव. 2026•
ગુજરાતી मराठी ਪੰਜਾਬੀ বাংলা
સુરતમાં ચૂંટણી કમિશનરના વિવાદ મુદ્દે કોંગ્રેસનું ઉગ્ર પ્રદર્શન, પોલીસ સાથે ઘર્ષણ
राजनीति

સુરતમાં ચૂંટણી કમિશનરના વિવાદ મુદ્દે કોંગ્રેસનું ઉગ્ર પ્રદર્શન, પોલીસ સાથે ઘર્ષણ

✍️ रिपोर्टर: Maheta Dhavalkumar Jitendrabhai 🗓 28 सित. 2026, 05:26 PM 👁 66
शेयर करें: 💬 WhatsApp 📘 Facebook 𝕏 Post

સુરતમાં ચૂંટણી કમિશનર જ્ઞાનેશ કુમારને લઈને ચાલી રહેલા વિવાદના વિરોધમાં શહેર અને જિલ્લા કોંગ્રેસ સમિતિ દ્વારા ઉગ્ર પ્રદર્શન કરવામાં આવ્યું હતું. પ્રદર્શનકારીઓએ કલેક્ટર કચેરી ખાતે સૂત્રોચ્ચાર કરી પોલીસ સાથે ઘર્ષણ કર્યું હતું.

ચૂંટણી કમિશનર જ્ઞાનેશ કુમારને લઈને ચાલી રહેલા વિવાદના વિરોધમાં સુરતમાં શહેર અને જિલ્લા કોંગ્રેસ સમિતિ દ્વારા કલેક્ટર કચેરી ખાતે ઉગ્ર વિરોધ પ્રદર્શન યોજાયું હતું. "વોટ ચોર, ગાદી છોડ"ના નારા સાથે કોંગ્રેસ કાર્યકરોએ કલેક્ટર કચેરીના મુખ્ય પ્રવેશદ્વાર પર સૂત્રોચ્ચાર કરી પોતાનો રોષ વ્યક્ત કર્યો હતો.

પ્રદર્શનકારીઓએ કલેક્ટર કચેરી પરિસરમાં પ્રવેશવાનો પ્રયાસ કરતાં પોલીસ અને કાર્યકરો વચ્ચે ઝપાઝપી થઈ હતી. આ દરમિયાન, કાર્યકરો દ્વારા રસ્તા પર ચક્કાજામ કરવામાં આવતાં વાહનવ્યવહાર ખોરવાયો હતો અને ટ્રાફિકની સમસ્યા સર્જાઈ હતી.

સ્થિતિ વણસતાં પોલીસે તાત્કાલિક કાર્યવાહી કરી હતી. પોલીસે બે બસો ભરીને કોંગ્રેસના અગ્રણીઓ અને કાર્યકરોની અટકાયત કરી હતી. આ કાર્યવાહી બાદ પરિસ્થિતિને કાબૂમાં લેવામાં આવી હતી અને કલેક્ટર કચેરી ખાતે શાંતિ સ્થાપવામાં આવી હતી.
📲Get App