🔥 TRENDING स्थानीय क्रिकेट टूर्नामेंट सुबह 8 बजे... मुख्यमंत्री डॉ. मोहन यादव का रीवा हवाई... ગેનીબેન ઠાકોરના જન્મદિવસ પર કોંગ્રેસની... प्रधानमंत्री मोदी के राजापाकर कार्यक्र... સાવધાન રાજકોટ 🏛️ ગ્રામ વિકાસની દિશામાં વધુ એક સુવિધા...
19 Nov 2026•
ગુજરાતી मराठी ਪੰਜਾਬੀ বাংলা
અરણેજમાં ભાદરવી પૂનમે બુટ ભવાની માતાના દર્શન માટે ભક્તોની ભારે ભીડ
Religion

અરણેજમાં ભાદરવી પૂનમે બુટ ભવાની માતાના દર્શન માટે ભક્તોની ભારે ભીડ

✍️ Reporter: Mukeshkumar Manjibhai Makwana 🗓 27 Sep 2026, 12:10 AM 👁 125
Share: 💬 WhatsApp 📘 Facebook 𝕏 Post

ભાદરવી પૂનમના પવિત્ર દિવસે અરણેજ ગામ ખાતે આવેલ બુટ ભવાની માતાના મંદિરે દર્શન કરવા માટે વહેલી સવારથી જ ભક્તોની લાંબી કતારો લાગી હતી. ભક્તોએ માતાજીને ધજા અને પ્રસાદ ચડાવી આશીર્વાદ મેળવ્યા હતા.

ભાદરવી પૂનમના શુભ અવસરે અરણેજ ગામમાં આવેલ બુટ ભવાની માતાના મંદિરે શ્રદ્ધાળુઓનો મહેરામણ ઉમટી પડ્યો હતો. વહેલી સવારથી લઈને મોડી સાંજ સુધી હજારો ભક્તો માતાજીના દર્શન કરવા માટે પડાપડી કરતા જોવા મળ્યા હતા. આ પવિત્ર દિવસે માતાજીના દર્શન કરવાથી મનોકામના પૂર્ણ થાય તેવી લોકમાન્યતા પ્રચલિત છે.

ભક્તોએ શ્રદ્ધાપૂર્વક માતાજીને ધજા ચડાવી હતી અને પ્રસાદનો ભોગ ધરાવીને માતાજીના આશીર્વાદ મેળવ્યા હતા. પરિવારો સાથે આવેલા ભક્તોએ ધાર્મિક માહોલનો આનંદ માણ્યો હતો.

આ પ્રસંગે મંદિર પરિસરની આસપાસ નાની-મોટી હાટડીઓ અને ખાણી-પીણીના સ્ટોલ મોટા પ્રમાણમાં ગોઠવવામાં આવ્યા હતા, જેના કારણે એક નાના મેળા જેવો માહોલ સર્જાયો હતો. ભક્તોએ દર્શન બાદ ખરીદીનો પણ આનંદ માણ્યો હતો.
📲Get App