🔥 TRENDING उमाशंकर के अंदाज में रसड़ा की सियासत म... కృష్ణాజిల్లా గుడివాడ పురపాలక సంఘం ఎన్న... 13 வயது யோகலட்சுமி 19 நவம்பர் 2026 கால... बाड़मेर में चुनावी पारा चढ़ा, परिणाम क... Nagaland Unveils New Agarwood Policy t... Two killed, six injured as Fortuner pl...
19 Nov 2026•
ગુજરાતી मराठी ਪੰਜਾਬੀ বাংলা
ହୀରାକୁଦରେ ବଢ଼ୁଛି ଜଳସ୍ତର; ଆଉ ୩ ଗେଟ୍ ଖୋଲିଲା, ମୋଟ ୮ ଗେଟ୍ ଦେଇ ଛଡ଼ାଯାଉଛି ବନ୍ୟାଜଳ
Local

ହୀରାକୁଦରେ ବଢ଼ୁଛି ଜଳସ୍ତର; ଆଉ ୩ ଗେଟ୍ ଖୋଲିଲା, ମୋଟ ୮ ଗେଟ୍ ଦେଇ ଛଡ଼ାଯାଉଛି ବନ୍ୟାଜଳ

✍️ Reporter: Deepak Mahapatra 🗓 26 Sep 2026, 03:10 PM 👁 91
Watch on: ▶️ YouTube
Share: 💬 WhatsApp 📘 Facebook 𝕏 Post
ସମ୍ବଲପୁର: ଉପର ମୁଣ୍ଡରେ ଲଗାତାର ବର୍ଷା ଓ ମହାନଦୀରେ ବଢ଼ୁଥିବା ଜଳପ୍ରବାହ ଯୋଗୁଁ ହୀରାକୁଦ ଡ୍ୟାମରେ ଜଳଚାପ ବଢ଼ିଛି। ପରିସ୍ଥିତିକୁ ଦୃଷ୍ଟିରେ ରଖି ଶନିବାର ଆଉ ୩ଟି ଗେଟ୍ ଖୋଲାଯାଇଛି। ଏହା ସହ ଡ୍ୟାମର ମୋଟ ୮ଟି ଗେଟ୍ ଦେଇ ବନ୍ୟାଜଳ ନିଷ୍କାସନ କରାଯାଉଛି।

ବର୍ତ୍ତମାନ ଖୋଲା ଥିବା ୮ଟି ଗେଟ୍‌ ମଧ୍ୟରୁ ବାମ ପାର୍ଶ୍ୱରେ ୫ଟି ଓ ଡାହାଣ ପାର୍ଶ୍ୱରେ ୩ଟି ଗେଟ୍ ରହିଛି। ସଦ୍ୟତମ ସୂଚନା ଅନୁଯାୟୀ, ହୀରାକୁଦ ଜଳଭଣ୍ଡାରର ଜଳସ୍ତର ୬୨୯.୫୬ ଫୁଟ୍ ରେ ପହଞ୍ଚିଛି।

ଡ୍ୟାମ କର୍ତ୍ତୃପକ୍ଷଙ୍କ କହିବାନୁସାରେ, ଉପର କ୍ୟାଚମେଣ୍ଟ ଅଞ୍ଚଳରୁ ବଢ଼ୁଥିବା ଜଳପ୍ରବାହ ଯୋଗୁଁ ଜଳଭଣ୍ଡାରର ସ୍ତର ବୃଦ୍ଧି ପାଉଥିବାରୁ ଅତିରିକ୍ତ ୩ଟି ଗେଟ୍ ଖୋଲିବାକୁ ନିଷ୍ପତ୍ତି ନିଆଯାଇଛି। ନଦୀର ତଳମୁଣ୍ଡ ଅଞ୍ଚଳରେ ଜଳପ୍ରବାହ ଉପରେ ମଧ୍ୟ କଡ଼ା ନଜର ରଖାଯାଇଛି।

ମହାନଦୀ କୂଳବର୍ତ୍ତୀ ଓ ନିମ୍ନାଞ୍ଚଳରେ ବସବାସ କରୁଥିବା ଲୋକଙ୍କୁ ସତର୍କ ରହିବା ସହ ପ୍ରଶାସନର ସରକାରୀ ସୂଚନାକୁ ଅନୁସରଣ କରିବାକୁ ପରାମର୍ଶ ଦିଆଯାଇଛି। ଆବଶ୍ୟକ ପଡ଼ିଲେ ଆହୁରି ଜଳ ନିଷ୍କାସନ ନେଇ ପରିସ୍ଥିତିର ସମୀକ୍ଷା ଚାଲିଛି।

ଅନ୍ୟପଟେ, ଇନ୍ଦ୍ରାବତୀ ଜଳଭଣ୍ଡାରର ସମସ୍ତ ୩ଟି ଗେଟ୍ ବନ୍ଦ କରାଯାଇଛି। ତେବେ ଜଳ ନିଷ୍କାସନ ପାଇଁ ମୁରାନ ଡ୍ୟାମର ଗୋଟିଏ ଗେଟ୍ ଏବେ ମଧ୍ୟ ଖୋଲା ରହିଛି। ବର୍ଷା ଓ ଜଳପ୍ରବାହକୁ ନଜରରେ ରଖି ସମସ୍ତ ଜଳଭଣ୍ଡାରର ସ୍ଥିତି ଉପରେ କର୍ତ୍ତୃପକ୍ଷ ନିରନ୍ତର ନଜର ରଖିଛନ୍ତି।
📲Get App