🔥 TRENDING ୧୩ କିମି/ଘଣ୍ଟା ବେଗରେ ଚଳିତ ସାଇକ୍ଲୋନ୍ ଆକ୍... ଫେବ୍ରୁଆରୀ ୧୬ରୁ ଆରମ୍ଭ ହେବା ଯୁକ୍ତ ୨ ପରୀକ... Cyclone Aqwan 20-21 ତାରିଖରେ ଶିମିଳିପାଳ... ଭୁବନେଶ୍ୱରରେ ଜଳବନ୍ଦୀ, ଗଛ ପଡ଼ିବା ଓ ଅନ୍ୟା... ଗଞ୍ଜାମରେ 1,38,000 ଲୋକଙ୍କୁ ବିପଦ୍‌ ନିମନ୍... બોટાદ તાલુકા ના ઝમરાળા ગામ ના બન્ને પર...
19 Nov 2026•
ગુજરાતી मराठी ਪੰਜਾਬੀ বাংলা
જુનાગઢ પોલીસે છેડતીના ગુનાનો ભેદ ઉકેલ્યો, ગણતરીની કલાકોમાં આરોપી ઝડપાયો
Crime

જુનાગઢ પોલીસે છેડતીના ગુનાનો ભેદ ઉકેલ્યો, ગણતરીની કલાકોમાં આરોપી ઝડપાયો

✍️ Reporter: SUDIP GADHIYA 🗓 26 Sep 2026, 12:26 PM 👁 96
Watch on: ▶️ YouTube
Share: 💬 WhatsApp 📘 Facebook 𝕏 Post

જુનાગઢ શહેરમાં બી ડિવિઝન પોલીસ સ્ટેશન વિસ્તારમાં થયેલ છેડતીના ગુનાનો પોલીસે ભેદ ઉકેલી નાખ્યો છે. પોલીસે ગણતરીની કલાકોમાં જ આરોપીને ઝડપી પાડ્યો છે.

જુનાગઢ શહેરમાં બી ડિવિઝન પોલીસ સ્ટેશન વિસ્તારમાં એક મહિલા સાથે થયેલ છેડતીના ગુનાનો પોલીસે સફળતાપૂર્વક ભેદ ઉકેલી કાઢ્યો છે. પોલીસે ગણતરીની કલાકોમાં જ આરોપીને દબોચી લીધો છે.

ગત તા.૧૯/૦૯/૨૦૨૬ના રોજ એક મહિલા જુનાગઢના મોતીબાગ નજીક આલ્ફા સ્કૂલ-૩ સામે રોડ પર ચાલીને જઈ રહ્યા હતા. તે સમયે લાલ કલરની મોટરસાઇકલ રજીસ્ટ્રેશન નંબર GJ-11-EB-6835ના ચાલકે મહિલાનો એકલતાનો લાભ લઈને તેમની છેડતી કરી હતી. આ બનાવ અંગે બી ડિવિઝન પોલીસ સ્ટેશનમાં ગુ.ર.નં. ૧૧૨૦૩૦૨૪૨૬૦૬૬૦/૨૦૨૬ થી ગુનો નોંધવામાં આવ્યો હતો.

આ ગંભીર બનાવની તપાસ મહિલા પોલીસ સબ ઇન્સ્પેક્ટર એમ.આર. ઝાલાને સોંપવામાં આવી હતી. પોલીસ ઇન્સ્પેક્ટર શ્રી ડી.વી. ડાંગરના માર્ગદર્શન હેઠળ, પોલીસ સ્ટાફે ટેકનિકલ અને હ્યુમન સોર્સનો ઉપયોગ કરીને આરોપીને તાત્કાલિક શોધવા માટે પ્રયાસો શરૂ કર્યા હતા.

તપાસ દરમિયાન, બી ડિવિઝન પોલીસ સ્ટેશનના પોલીસ કોન્સ્ટેબલ રઘુવીરભાઈ વાળાને બાતમી મળી હતી કે ગુનામાં સંડોવાયેલ આરોપી કિશનભાઈ બાબુભાઇ ધામેચા લાલ કલરની મોટરસાઇકલ સાથે જુનાગઢના મુબારક બાગના રસ્તે કાળવા ચોક પાસે ઉભો છે. આ બાતમીના આધારે પોલીસે તાત્કાલિક કાર્યવાહી કરી આરોપી કિશનભાઈ બાબુભાઇ ધામેચા (ઉંમર ૨૪ વર્ષ, ધંધો કડીયાકામ/મજૂરી, રહે. ગરબી ચોક પાસે, રામ મંદિરની બાજુમાં, જુના હાઉસીંગ, ગાંધીગ્રામ, જુનાગઢ) ને ઝડપી પાડ્યો હતો. આરોપી મૂળ સુરેન્દ્રનગર જિલ્લાના પાટડી તાલુકાના ફતેપુરા ગામનો રહેવાસી છે.

આરોપીને નામદાર કોર્ટમાં રજૂ કરવામાં આવતા, કોર્ટે ગુનાની ગંભીરતાને ધ્યાનમાં રાખીને તેને જુનાગઢ જિલ્લા જેલ હવાલે કર્યો છે. આ કેસની વધુ તપાસ મહિલા પોલીસ સબ ઇન્સ્પેક્ટર એમ.આર. ઝાલા કરી રહ્યા છે.
📲Get App