🔥 TRENDING Chhattisgarh Admin Promotes Senior IAS... SGPC President Election: Sukhbir Badal... BJP's Yatra Strategy Faces Scrutiny Ov... Bridge Collapses in Punjab Two Years A... Jorhat MVI Suspended After Challaning... Assam Withholds Fitness Certificates f...
20 Nov 2026•
ગુજરાતી मराठी ਪੰਜਾਬੀ বাংলা
શામળાજીમાં ભાદરવી પૂર્ણિમાએ એક લાખથી વધુ ભક્તોએ કર્યા ભગવાન શામળિયાના દર્શન
Religion

શામળાજીમાં ભાદરવી પૂર્ણિમાએ એક લાખથી વધુ ભક્તોએ કર્યા ભગવાન શામળિયાના દર્શન

✍️ Reporter: Haribhai Balakabhai Rabari 🗓 26 Sep 2026, 11:00 PM 👁 101
Watch on: ▶️ YouTube
Share: 💬 WhatsApp 📘 Facebook 𝕏 Post

ભાદરવી પૂર્ણિમા નિમિત્તે શામળાજી ખાતે શ્રદ્ધાળુઓનું ઘોડાપૂર ઉમટ્યું હતું. અંદાજે એક લાખથી વધુ ભક્તોએ ભગવાન શામળિયાના દર્શન કરી ધન્યતા અનુભવી હતી.

આસ્થા, શ્રદ્ધા અને ભક્તિના પવિત્ર પર્વ સમા ભાદરવી પૂર્ણિમાના દિવસે યાત્રાધામ શામળાજીમાં ભક્તોનો અદભૂત ઉત્સાહ જોવા મળ્યો હતો. મોડી રાતથી જ હજારો ભક્તો પગપાળા યાત્રા કરીને ભગવાન શામળિયાના દર્શન માટે પહોંચ્યા હતા. ધાર્મિક માન્યતા અનુસાર, ભાદરવા સુદ પૂર્ણિમાથી શ્રાદ્ધ પક્ષનો પ્રારંભ થાય છે અને આ દિવસ પિતૃઓના મોક્ષ માટે વિશેષ મહત્વ ધરાવે છે. તેથી ભક્તોએ ભગવાન શામળિયાના દર્શન કરીને પોતાના પિતૃઓના કલ્યાણ અને મોક્ષ માટે પ્રાર્થનાઓ અર્પણ કરી હતી.

વહેલી સવારથી જ મંદિર પરિસરમાં ભક્તોની લાંબી કતારો જોવા મળી હતી. ભક્તોના ભારે ધસારાને ધ્યાનમાં રાખીને મંદિર ટ્રસ્ટ દ્વારા મંદિર નિયત સમય કરતાં એક કલાક વહેલું ખોલવામાં આવ્યું હતું, જેથી ભક્તોને સરળતાથી દર્શનનો લાભ મળી શકે. પગપાળા આવતા યાત્રાળુઓ માટે રસ્તામાં વિવિધ સેવાકીય કેમ્પો અને વિસામાઓનું આયોજન પણ કરવામાં આવ્યું હતું, જ્યાં ભક્તોને પાણી, નાસ્તો અને અન્ય જરૂરી સુવિધાઓ પૂરી પાડવામાં આવી હતી.

ભક્તિના આ મહાપર્વે શામળાજી ધામમાં દિવસભર હરિનામનો ગુંજારવ સંભળાતો રહ્યો હતો. અંદાજે એક લાખથી વધુ ભક્તોએ ભગવાન શામળિયાના દર્શન કરીને ધન્યતા અનુભવી હતી. આ ભવ્ય આયોજન અને ભક્તોના અવિરત પ્રવાહે શામળાજીને ભક્તિમય વાતાવરણથી છલકાવી દીધું હતું.
📲Get App