🔥 TRENDING उसेंडीपारा में संकुल स्तरीय बाल क्रीड़... Rahul Gandhi Responds to Pakistani Nat... Three Afghan Nationals Arrested in Jab... AERB Grants First Criticality Approach... Vishal Bhardwaj Says Aryan Khan Is Dis... Salman Khan Performs with Battalion in...
20 Nov 2026•
ગુજરાતી मराठी ਪੰਜਾਬੀ বাংলা
સાગબારામાં જંગલની જમીન મુદ્દે વન વિભાગ અને ખેડૂતો વચ્ચે ઘર્ષણ, મનસુખ વસાવાએ કર્યો આકરો વિરોધ
Local

સાગબારામાં જંગલની જમીન મુદ્દે વન વિભાગ અને ખેડૂતો વચ્ચે ઘર્ષણ, મનસુખ વસાવાએ કર્યો આકરો વિરોધ

✍️ Reporter: Maheta Dhavalkumar Jitendrabhai 🗓 26 Sep 2026, 08:50 PM 👁 91
Share: 💬 WhatsApp 📘 Facebook 𝕏 Post

નર્મદા જિલ્લાના સાગબારા તાલુકામાં જંગલની જમીન ખેડવાના મુદ્દે રાજકીય ગરમાવો વધી ગયો છે. વન વિભાગ દ્વારા ખેડૂતોને અટકાયતમાં લેવાના પ્રયાસ બાદ ભાજપના સાંસદ મનસુખ વસાવાએ અધિકારીઓની કાર્યવાહીને અંગ્રેજોના શાસન સાથે સરખાવી વિરોધ નોંધાવ્યો હતો.

નર્મદા જિલ્લાના સાગબારા તાલુકામાં જંગલની જમીન ખેડવાના મુદ્દે રાજકીય માહોલ ગરમાયો છે. સુરતના માંડવી ખાતે વન મંત્રી અર્જુન મોઢવાડિયાની ઉપસ્થિતિમાં વન વિભાગ દ્વારા સાગબારાના આદિવાસી ખેડૂતોને જમીન ખેડતા અટકાવી અટકાયતમાં લેવાનો પ્રયાસ કરવામાં આવ્યો હતો. આ ઘટનાની જાણ થતાં જ ભાજપના સાંસદ મનસુખ વસાવા તાત્કાલિક ઘટનાસ્થળે પહોંચી ગયા હતા.

સાંસદ મનસુખ વસાવાએ પોતાની જ સરકારના વન વિભાગ અને અધિકારીઓની કાર્યવાહીને અંગ્રેજોના શાસન સાથે સરખાવી આકરો વિરોધ નોંધાવ્યો હતો. તેમણે સરકારની નીતિઓને આદિવાસી સમાજમાં ભાગલા પડાવનારી ગણાવી હતી. આદિવાસી ખેડૂતો છેલ્લા 20 વર્ષથી જંગલની જમીન ખેડી રહ્યા હતા, ત્યારે વન વિભાગે અચાનક મોટી કાર્યવાહી હાથ ધરી હતી.

વન વિભાગના RFO અશોક વસાવા, ACF, DFO અને અન્ય અધિકારીઓ પોલીસ કાફલા સાથે ઘટનાસ્થળે પહોંચ્યા હતા. વન વિભાગ અને પોલીસે ખેડૂતો અને મહિલાઓને તેમના બળદો સાથે ટેમ્પો અને જીપ જેવા વાહનોમાં બેસાડીને રેન્જ ફોરેસ્ટ ઓફિસે લઈ જવાની તજવીજ હાથ ધરી હતી. આ દરમિયાન, આંગણવાડીના સરકારી કાર્યક્રમમાં હાજર સાંસદ મનસુખ વસાવાને જાણ થતાં તેઓ ત્યાં પહોંચ્યા હતા.

સાંસદ મનસુખ વસાવાએ ગંભીર આક્ષેપ કર્યો હતો કે, તેમના આગમનની જાણ થતાં જ વન વિભાગના તમામ અધિકારીઓ ખેડૂતો સાથે સંવાદ કરવાને બદલે સ્થળ પરથી ભાગી ગયા હતા.
📲Get App