🔥 ट्रेंडिंग ଫେବ୍ରୁଆରୀ ୧୬ରୁ ଆରମ୍ଭ ହେବା ଯୁକ୍ତ ୨ ପରୀକ... Cyclone Aqwan 20-21 ତାରିଖରେ ଶିମିଳିପାଳ... ଭୁବନେଶ୍ୱରରେ ଜଳବନ୍ଦୀ, ଗଛ ପଡ଼ିବା ଓ ଅନ୍ୟା... ଗଞ୍ଜାମରେ 1,38,000 ଲୋକଙ୍କୁ ବିପଦ୍‌ ନିମନ୍... બોટાદ તાલુકા ના ઝમરાળા ગામ ના બન્ને પર... कर्नाटक ने जीसीसी की मेजबानी में बढ़ाय...
19 नव. 2026•
ગુજરાતી मराठी ਪੰਜਾਬੀ বাংলা
ରାସନ କାର୍ଡରୁ କଟିଲାଣି ପ୍ରାୟ ୧୦ ଲକ୍ଷ ଅଯୋଗ୍ୟ ହିତାଧିକାରୀଙ୍କ ନାଁ: ଆଗକୁ ଆହୁରି ବାଦ୍ ପଡ଼ିବେ!
राजनीति

ରାସନ କାର୍ଡରୁ କଟିଲାଣି ପ୍ରାୟ ୧୦ ଲକ୍ଷ ଅଯୋଗ୍ୟ ହିତାଧିକାରୀଙ୍କ ନାଁ: ଆଗକୁ ଆହୁରି ବାଦ୍ ପଡ଼ିବେ!

✍️ रिपोर्टर: Deepak Mahapatra 🗓 24 सित. 2026, 12:22 PM 👁 100
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post
ଭୁବନେଶ୍ୱର: ଓଡ଼ିଶାରେ ରାସନ କାର୍ଡ ବ୍ୟବସ୍ଥାକୁ ସ୍ୱଚ୍ଛ ଓ ପାରଦର୍ଶୀ କରିବା ପାଇଁ ରାଜ୍ୟ ସରକାରଙ୍କ ବଡ଼ ଧରଣର ଅଭିଯାନ ଜାରି ରହିଛି। ବିଧାନସଭାରେ ଖାଦ୍ୟ ଯୋଗାଣ ମନ୍ତ୍ରୀଙ୍କ ଲିଖିତ ଉତ୍ତରରୁ ରାସନ କାର୍ଡ ସମ୍ପର୍କିତ ଏକ ବଡ଼ ସତ୍ୟ ସାମ୍ନାକୁ ଆସିଛି। ରାଜ୍ୟରେ ଏପର୍ଯ୍ୟନ୍ତ ପ୍ରାୟ ୧୦ ଲକ୍ଷ ଅଯୋଗ୍ୟ ଏବଂ ମୃତ ହିତାଧିକାରୀଙ୍କୁ ରାସନ କାର୍ଡରୁ ବାଦ୍ ଦିଆଯାଇଛି।

ମନ୍ତ୍ରୀଙ୍କ ଦ୍ୱାରା ପ୍ରଦାନ କରାଯାଇଥିବା ତଥ୍ୟ ଅନୁଯାୟୀ, ରାଜ୍ୟରୁ ମୋଟ ୯ ଲକ୍ଷ ୮୧ ହଜାର ୬୬୧ ଜଣ ଅଯୋଗ୍ୟ ଓ ଭୂତ ହିତାଧିକାରୀଙ୍କ ନାଁ ତାଲିକାରୁ କଟାଯାଇଛି। ଏହା ସହିତ ରାଜ୍ୟରେ ନୂତନ ରାସନ କାର୍ଡ ପାଇଁ ମୋଟ ୨୧ ଲକ୍ଷ ୮୭ ହଜାର ୮୫ ଟି ଆବେଦନ ଆସିଥିବାବେଳେ, ଏଯାବତ୍ ୧୬ ଲକ୍ଷ ୯୯ ହଜାର ୪୫୧ ଟି ଆବେଦନର ତଦାରଖ ଶେଷ ହୋଇଛି। ବର୍ତ୍ତମାନ ସୁଦ୍ଧା ଅବଶିଷ୍ଟ ୪ ଲକ୍ଷ 8୭ ହଜାର ୬୩୪ ଟି ଆବେଦନ ପତ୍ରର କ୍ଷେତ୍ର ଯାଞ୍ଚ ପ୍ରକ୍ରିୟା ଜାରି ରହିଛି।

ସରକାରଙ୍କ ପକ୍ଷରୁ ମିଳିଥିବା ସୂଚନା ମୁତାବକ, ୭ ଲକ୍ଷ ୧୭ ହଜାର ୭୯୦ ପରିବାରର ୧୪ ଲକ୍ଷ ୨୧ ହଜାର ୨୨୪ ଜଣ ସଦସ୍ୟଙ୍କୁ ନୂତନ ରାସନ କାର୍ଡ ପ୍ରଦାନ କରାଯାଇଛି। ତେବେ ଇ-କେୱାଇସି ଯାଞ୍ଚ ଏବଂ କାର୍ଡ କଟାଯିବା ପ୍ରକ୍ରିୟାକୁ ନେଇ ରାଜନୈତିକ ବାତାବରଣ ସରଗରମ ରହିଛି। ବିରୋଧୀ ଦଳଗୁଡ଼ିକ ଏହି ପ୍ରକ୍ରିୟାକୁ ନେଇ ସରକାରଙ୍କୁ ଘେରିଛନ୍ତି।

କଂଗ୍ରେସ ଅଭିଯୋଗ କରିଛି ଯେ ଅଯୋଗ୍ୟଙ୍କୁ ବାଦ୍ ଦେବା ଆଳରେ ସରକାର ଅନେକ ସମୟରେ ପ୍ରକୃତ ଗରିବ ଓ ଯୋଗ୍ୟ ହିତାଧିକାରୀଙ୍କ ନାଁ ମଧ୍ୟ କାଟି ଦେଉଛନ୍ତି। ସେହିପରି ବିଜେଡି ପକ୍ଷରୁ କୁହାଯାଇଛି ଯେ ରାଜନୈତିକ ପକ୍ଷପାତିତା କାରଣରୁ ସ୍ଥାନୀୟ ସ୍ତରରେ ଯୋଗ୍ୟ ଲୋକଙ୍କ କାର୍ଡ ବାତିଲ କରାଯାଉଛି। ସରକାର କ୍ଷମତାକୁ ଆସିବା ବେଳେ ୨୦ ଲକ୍ଷ ଭୂତ ହିତାଧିକାରୀ ଥିବା କହୁଥିଲେ, କିନ୍ତୁ ବର୍ତ୍ତମାନ ସେହି ସଂଖ୍ୟା କୁଆଡ଼େ ଗଲା ବୋଲି ଦଳ ପ୍ରଶ୍ନ କରିଛି।
📲Get App