🔥 TRENDING 1,152 Gujarat Police Officers Set to P... Gujarat Inaugurates 3D Virtual Museum... Gujarat's new waste-to-energy policy o... Thieves steal Rs 1.25 crore of jewelle... Balaghat Air Hostess Murder Case: Vide... ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ...
20 Nov 2026•
ગુજરાતી मराठी ਪੰਜਾਬੀ বাংলা
અમરેલી: વીજપડી ગામના મેલડી માતાજી મંદિરમાં ચોરી કરનાર ઝડપાયો, મુદ્દામાલ જપ્ત
Crime

અમરેલી: વીજપડી ગામના મેલડી માતાજી મંદિરમાં ચોરી કરનાર ઝડપાયો, મુદ્દામાલ જપ્ત

✍️ Reporter: Rangpara Shaileshbhai 🗓 24 Sep 2026, 01:30 PM 👁 81
Share: 💬 WhatsApp 📘 Facebook 𝕏 Post

અમરેલી જિલ્લાના વીજપડી ગામમાં મેલડી માતાજીના મંદિરમાં થયેલી ચોરીના ગુનામાં પોલીસે ગણતરીની કલાકોમાં જ આરોપીને ઝડપી પાડ્યો છે. ચોરાયેલ ચાંદીના છત્ર, દાગીના અને રોકડા રૂપિયા પોલીસે કબજે કર્યા છે.

અમરેલી જિલ્લાના વીજપડી ગામમાં આવેલા મેલડી માતાજીના મંદિરમાં તસ્કરોએ ચોરીની ઘટનાને અંજામ આપ્યો હતો. ચોરોએ મંદિરમાં પ્રવેશ કરી ચાંદીનું છત્ર, દાગીના તેમજ દાનપેટીમાં રાખેલા રોકડા રૂપિયા ચોરી લીધા હતા.

આ ચોરીની ઘટનાની જાણ વહેલી સવારે થતાં જ સાવરકુંડલા રૂરલ પોલીસની ટીમ તાત્કાલિક ઘટનાસ્થળે પહોંચી હતી. પોલીસે ઘટના સ્થળનું નિરીક્ષણ કરી, સીસીટીવી ફૂટેજ અને બાતમીદારોની મદદથી તપાસનો ધમધમાટ શરૂ કર્યો હતો.

પોલીસની સક્રિયતા અને ચોક્કસ તપાસના પગલે, ગણતરીની કલાકોમાં જ પોલીસે ચોરીના આરોપીને દબોચી લીધો હતો. પોલીસે આરોપી પાસેથી ચોરી થયેલો તમામ મુદ્દામાલ પણ જપ્ત કરી લીધો છે. પોલીસે આરોપીની ધરપકડ કરી કાયદેસરની કાર્યવાહી હાથ ધરી છે અને આ મામલે વધુ તપાસ ચાલુ છે.
📲Get App