🔥 TRENDING ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ... West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স... Severe Cyclonic Storm Akvan Nears Indi... Tejashwi Yadav Slams Bihar Government... Bihar Law Department Opens 2026 Recrui...
20 Nov 2026•
ગુજરાતી मराठी ਪੰਜਾਬੀ বাংলা
પોશીના પોલીસે ૨.૫ કિલો ગાંજા સાથે એક શખ્સને ઝડપી પાડ્યો, ૧.૬૧ લાખનો મુદ્દામાલ જપ્ત
Crime

પોશીના પોલીસે ૨.૫ કિલો ગાંજા સાથે એક શખ્સને ઝડપી પાડ્યો, ૧.૬૧ લાખનો મુદ્દામાલ જપ્ત

✍️ Reporter: Kalpeshkumar Narayanbhai Panchal 🗓 23 Sep 2026, 08:25 AM 👁 80
Share: 💬 WhatsApp 📘 Facebook 𝕏 Post

સાબરકાંઠા જિલ્લામાં 'SAY NO TO DRUGS' મિશન હેઠળ પોશીના પોલીસે રાજસ્થાન સરહદ પાસેથી ૨.૫ કિલો ગાંજા સાથે એક ઈસમને ઝડપી પાડ્યો છે. પોલીસે ૧.૬૧ લાખ રૂપિયાથી વધુનો મુદ્દામાલ જપ્ત કરી કાયદેસરની કાર્યવાહી હાથ ધરી છે.

સાબરકાંઠા જિલ્લામાં યુવાધનને નશાની લતમાંથી બચાવવા અને ડ્રગ્સ મુક્ત જિલ્લાના સંકલ્પ સાથે ચલાવવામાં આવી રહેલા "SAY NO TO DRUGS" મિશન અંતર્ગત પોશીના પોલીસને મોટી સફળતા મળી છે. રાજસ્થાન સરહદ તરફથી મોટરસાયકલ પર સ્કૂલબેગમાં માદક પદાર્થ ગાંજો લઈને આવતા એક ઈસમને પોલીસે રૂ. ૧,૬૧,૯૫૦ના મુદ્દામાલ સાથે ઝડપી પાડી કાયદેસરની કાર્યવાહી હાથ ધરી છે.

ચોક્કસ બાતમીના આધારે વોચ ગોઠવી ગાંધીનગર વિભાગના નાયબ પોલીસ મહાનિરીક્ષકશ્રી વિરેન્દ્રસિંહ યાદવ તથા સાબરકાંઠા જિલ્લા પોલીસ અધિક્ષકશ્રી ડૉ. પાર્થરાજસિંહ ગોહિલની સૂચના મુજબ અને ખેડબ્રહ્મા ડીવાયએસપીશ્રી ડૉ. કુલદિપકુમાર નાયીના માર્ગદર્શન હેઠળ પોશીના પોલીસ ઈન્સપેક્ટર ડી.એન. સાધુ અને તેમની ટીમ સતત પેટ્રોલીંગમાં હતી.

દરમિયાન, સર્વેલન્સ પી.એસ.આઈ. વી.બી. મેઘનાથી અને સ્ટાફના લોક રક્ષક દીપકકુમાર પુંજાભાઈને ચોક્કસ બાતમી મળતા તેમણે તાત્કાલિક કાર્યવાહી કરી હતી. આ કાર્યવાહીમાં પોલીસે ૨.૫ કિલો ગાંજો જેની કિંમત રૂ. ૧,૬૧,૯૫૦ થાય છે, તે જપ્ત કર્યો છે. પોલીસે ગાંજા સાથે ઝડપાયેલા આરોપી વિરુદ્ધ કાયદેસરની કાર્યવાહી હાથ ધરી વધુ તપાસ હાથ ધરી છે.
📲Get App