🔥 TRENDING विष्णु धाम महोत्सव की तैयारियों का डीए... गुरवा चौक में बिना नंबर प्लेट गाड़ी से... তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous...
19 Nov 2026•
ગુજરાતી मराठी ਪੰਜਾਬੀ বাংলা
రిమ్స్ వద్ద పోలీసుల బందోబస్తు.. ఎస్పీ పర్యవేక్షణ

రిమ్స్ వద్ద పోలీసుల బందోబస్తు.. ఎస్పీ పర్యవేక్షణ

✍️ Reporter: M.SHIVA KUMAR 🗓 22 Sep 2026, 03:10 PM 👁 121
Share: 💬 WhatsApp 📘 Facebook 𝕏 Post
ఆదిలాబాద్: ఆదిలాబాద్ రిమ్స్ ఆసుపత్రిలో చోటుచేసుకున్న ఘటన నేపథ్యంలో పోలీసులు అప్రమత్తమయ్యారు. జిల్లా ఎస్పీ అఖిల్ మహాజన్ రిమ్స్ ఆసుపత్రిని సందర్శించి అక్కడి పరిస్థితులను సమీక్షించారు. ఘటనకు సంబంధించిన వివరాలను పోలీసు సిబ్బందిని అడిగి తెలుసుకున్నారు.
ఘటన జరిగిన ప్రాంతాన్ని పరిశీలించిన ఎస్పీ.. అనుమతి లేకుండా ఎవరినీ ఘటన స్థలంలోకి అనుమతించవద్దని పోలీసు సిబ్బందికి సూచించారు. ఆధారాలు, భద్రతకు ఎలాంటి ఇబ్బంది కలగకుండా పటిష్ట చర్యలు చేపట్టాలని ఆదేశించారు.
రాష్ట్ర వైద్య ఆరోగ్య శాఖ మంత్రి దామోదర రాజనర్సింహ రిమ్స్‌ను సందర్శించనున్న నేపథ్యంలో భద్రతా ఏర్పాట్లను ఎస్పీ స్వయంగా పర్యవేక్షించారు. రిమ్స్ ప్రధాన ద్వారం, ఘటన స్థలం, ఆసుపత్రి పరిసరాల్లో భారీగా పోలీసు బలగాలను మోహరించి పటిష్ట బందోబస్తు ఏర్పాటు చేశారు.
మంత్రి పర్యటన సందర్భంగా ఎలాంటి అవాంఛనీయ ఘటనలు చోటుచేసుకోకుండా అప్రమత్తంగా ఉండాలని పోలీసు అధికారులకు ఎస్పీ దిశానిర్దేశం చేశారు. ఎస్పీ వెంట డీఎస్పీ జీవన్ రెడ్డి, సీఐలు, ఎస్‌ఐలు, ఇతర పోలీసు సిబ్బంది ఉన్నారు.
📲Get App