🔥 TRENDING ବାତ୍ୟା ଆଲର୍ଟ ମଧ୍ୟରେ ରେଳ ଚଳାଚଳ ଦେରୀ: ଭୁ... ଭୁବନେଶ୍ୱରରେ 9 ଲକ୍ଷ ଟଙ୍କା ସାଇବର ଠକେଇ ମା... ଓଡ଼ିଶା ଶାସନ ଭବନରେ ଅପରାହ୍ନ ୪ଟା ଯାଏଁ ହୋହ... ଓଡ଼ିଶା ଶାସନ ର ତ୍ରିତୀୟ ବାତ୍ୟା ମୁକାବିଲା... 19 नवंबर के लिए कई देशों में छुट्टी की... West Bengal CM Mamata Banerjee meets A...
20 Nov 2026•
ગુજરાતી मराठी ਪੰਜਾਬੀ বাংলা
અમરેલીના ખેડૂત પુત્ર મયુરનો અવાજ મુંબઈ સુધી ગુંજ્યો: જમીન અને વીજ ટાવરના વળતર મુદ્દે આંદોલન તેજ
Agriculture

અમરેલીના ખેડૂત પુત્ર મયુરનો અવાજ મુંબઈ સુધી ગુંજ્યો: જમીન અને વીજ ટાવરના વળતર મુદ્દે આંદોલન તેજ

✍️ Reporter: Rangpara Shaileshbhai 🗓 22 Sep 2026, 08:58 PM 👁 89
Share: 💬 WhatsApp 📘 Facebook 𝕏 Post

ગુજરાતના ખેડૂત આંદોલનમાં ચર્ચામાં રહેલા ખેડૂતપુત્ર મયુરે જમીન સંપાદન અને વીજ ટાવરના વળતર મુદ્દે આંદોલન તેજ કર્યું છે, જેનો પડઘો હવે મુંબઈ સુધી પહોંચ્યો છે.

અમરેલી: ગુજરાતમાં ચાલી રહેલા ખેડૂત આંદોલનમાં અત્યારે ખેડૂતપુત્ર મયુરનું નામ સૌથી વધુ ચર્ચામાં છે. તાજેતરમાં જમાવટ મીડિયાને આપેલા એક ઇન્ટરવ્યુમાં મયુરે સ્પષ્ટપણે જણાવ્યું હતું કે, "હું હક માંગવામાં નથી માનતો, હક છીનવી લેવામાં માનું છું." આ એક વાક્યએ હજારો ખેડૂતોમાં નવી હિંમત ભરી દીધી છે અને સોશિયલ મીડિયા પર પણ તેની ભારે ચર્ચા થઈ રહી છે.

ત્રણ દિવસ પહેલાં મયુર ગુજરાતની સરહદ વટાવીને સીધો મુંબઈ પહોંચ્યો હતો. આદિત્ય બિરલા ગ્રુપ દ્વારા ખેડૂતોની જમીન પરવાનગી વગર લેવામાં આવી રહી હોવાના આક્ષેપ સાથે તેણે કંપનીના ગેટ પર વિરોધ પ્રદર્શન કર્યું હતું. મુંબઈ પોલીસ અને સિક્યુરિટી દ્વારા રોકવામાં આવ્યા છતાં તે પોતાના સ્થાનેથી હટ્યો નહોતો, જેનો વીડિયો સોશિયલ મીડિયા પર લાખો લોકોએ જોયો છે.

મયુર છેલ્લા બે મહિનાથી ખેતરોમાં હાઈ-ટેન્શન લાઈનના ટાવર ઊભા કરવા સામે યોગ્ય વળતરનો મુદ્દો ઉઠાવી રહ્યો છે. ખેતરમાં વીજ ટાવર આવવાના કારણે ૫ વીઘામાંથી ૪ વીઘા જમીન નકામી બની જાય છે. કાયદા મુજબ ચાર ગણું વળતર મળવું જોઈએ, પરંતુ કંપનીઓ જૂની જંત્રી પ્રમાણે માત્ર ૨ થી ૫ લાખ રૂપિયા જ ચૂકવે છે. આ મુદ્દે ભરૂચ, ગીર ગઢડા અને ખેતપરમાં ખેડૂતોની મોટી બેઠકો પણ યોજાઈ ચૂકી છે.

મયુરના જણાવ્યા અનુસાર, ગયા મહિને જ્યારે તેની 'ખેડૂત પાર્ટી ગુજરાત' સાથે દોઢ લાખથી વધુ ખેડૂતો જોડાયા, ત્યારે તેનું ૧ લાખ ફોલોઅર્સ ધરાવતું જૂનું ઇન્સ્ટાગ્રામ પેજ સસ્પેન્ડ કરી દેવામાં આવ્યું હતું. હાલમાં તે પોતાના નવા આઈડી 'ખેડૂતપુત્ર_મયુર' પરથી લડત ચલાવી રહ્યો છે, જ્યાં ૨.૮ લાખથી વધુ ખેડૂતો તેને ફોલો કરે છે. આ અગાઉ ૨૪ ઓગસ્ટે તેણે અમરેલીના સરદાર ચોક ખાતે એક મોટી ખેડૂત સભાનું એલાન પણ કર્યું હતું. સ્થાનિક ખેડૂતોનું કહેવું છે કે આ યુવાન તેમના દિલની વાત રજૂ કરી રહ્યો છે.
📲Get App