🔥 TRENDING Canadian PM Mark Carney says India is... Bangladesh PM Accuses Sheikh Hasina of... Modi Taps GTA 6 Hype to Promote ‘New I... Deccan Herald editorial says political... Tamil Thriller ‘Drones’ to Premiere on... ‘Mr Bhaarath’ to Release on 11 Dec 202...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં ખાડીપૂરની સમસ્યાના કાયમી ઉકેલ માટે ઉચ્ચસ્તરીય કમિટીની મહત્વની બેઠક, મહિનાના અંત સુધીમાં મુખ્યમંત્રી સમક્ષ રજૂ થશે પ્રોજેક્ટ
Local

સુરતમાં ખાડીપૂરની સમસ્યાના કાયમી ઉકેલ માટે ઉચ્ચસ્તરીય કમિટીની મહત્વની બેઠક, મહિનાના અંત સુધીમાં મુખ્યમંત્રી સમક્ષ રજૂ થશે પ્રોજેક્ટ

✍️ Reporter: Maheta Dhavalkumar Jitendrabhai 🗓 21 Sep 2026, 11:32 PM 👁 94
Share: 💬 WhatsApp 📘 Facebook 𝕏 Post

સુરત શહેરમાં ચોમાસા દરમિયાન સર્જાતી ખાડીપૂરની ગંભીર સમસ્યાના કાયમી નિવારણ માટે વહીવટી તંત્રે કવાયત હાથ ધરી છે. આગામી બુધવારે ધારાસભ્યો અને સાંસદોને વાકેફ કરાશે અને મહિનાના અંત સુધીમાં પ્રોજેક્ટ મુખ્યમંત્રી સમક્ષ રજૂ થશે.

સુરત શહેરમાં દર વર્ષે ચોમાસા દરમિયાન સર્જાતી ખાડીપૂરની ગંભીર સમસ્યાના કાયમી નિવારણ અર્થે વહીવટી તંત્ર દ્વારા કવાયત હાથ ધરવામાં આવી છે. આ સંદર્ભે રાજ્ય સરકાર દ્વારા ગઠિત ઉચ્ચસ્તરીય કમિટીની મહત્વની બેઠક યોજાઈ હતી. અગાઉ પ્રિન્સિપલ સેક્રેટરી દ્વારા સર્વે એજન્સીને કાગળ પર યોજનાઓ બનાવવાને બદલે નક્કર અને જમીની સ્તરે અમલમાં મૂકી શકાય તેવી કાર્યયોજના રજૂ કરવા કડક આદેશો આપવામાં આવ્યા હતા. જેને પગલે આ બેઠકમાં ખાડીપૂર નિવારણ પ્રોજેક્ટના પ્રથમ તબક્કાની કામગીરીને અંતિમ ઓપ આપવા અંગે સઘન ચર્ચા-વિચારણા હાથ ધરાઈ હતી.

ખાડીપૂરના કાયમી ઉકેલ માટે મુખ્યમંત્રી પણ સીધો રસ દાખવી રહ્યા છે. ચાલુ મહિનાના અંત સુધીમાં સમગ્ર પ્રોજેક્ટનું પ્રેઝન્ટેશન મુખ્યમંત્રી સમક્ષ રજૂ કરવામાં આવનાર છે. જોકે, તે પહેલાં પ્રોજેક્ટથી સ્થાનિક લોકપ્રતિનિધિઓને વાકેફ કરવા સરકારની સૂચના મુજબ આગામી બુધવારે સુરતના ધારાસભ્યો અને સાંસદો સમક્ષ સમગ્ર રૂપરેખા રજૂ કરાશે.

ચૂંટાયેલા પ્રતિનિધિઓ દ્વારા આપવામાં આવતા જરૂરી સૂચનો અને સુધારાઓનો સમાવેશ કર્યા બાદ આખરી પ્લાન મુખ્યમંત્રી સમક્ષ આખરી મંજૂરી માટે મૂકવામાં આવશે. આ પ્રક્રિયા દ્વારા ખાડીપૂરની સમસ્યાના કાયમી ઉકેલ માટે સ્થાનિક સ્તરે પણ સક્રિયતા લાવી શકવામાં આવશે.
📲Get App