🔥 TRENDING Diljit Dosanjh, Anirudh Ravichander, P... A R Rahman Hails Faheem Abdullah as Vo... Jharkhand to strengthen 75 elephant co... Jharkhand HC Presses Centre for Timeli... UGC Declares Jharkhand's Daksh Univers... Kerala Lottery SK-78: Rs 1 Crore Jackp...
20 Nov 2026•
ગુજરાતી मराठी ਪੰਜਾਬੀ বাংলা
കുരുടിവീട് മുക്കിൽ ട്രാഫിക് നിയന്ത്രണം

കുരുടിവീട് മുക്കിൽ ട്രാഫിക് നിയന്ത്രണം

✍️ Reporter: CHANDRAN 🗓 19 Sep 2026, 06:52 PM 👁 60
Watch on: ▶️ YouTube
Share: 💬 WhatsApp 📘 Facebook 𝕏 Post

കഴിഞ്ഞദിവസം കുരുടി വീട്ടിലുണ്ടായ വാഹന അപകടത്തെ തുടർന്നാണ് ഈ ട്രാഫിക് നിയന്ത്രണ പരിഷ്കാരം

*കുരുടിമുക്ക് ടൗണിൽ ഗതാഗത പരിഷ്കാരം
അപകടത്തിന്റെ പശ്ചാത്തലത്തിൽ പുതിയ നിയന്ത്രണങ്ങൾ* നോ-പാർക്കിംഗ് മേഖലകളിൽ പോലീസ് നടപടി ശക്തമാക്കും
കുരുടിമുക്ക്: കഴിഞ്ഞ ദിവസം കുരുടിമുക്ക് ടൗണിലുണ്ടായ വാഹനാപകടത്തിന്റെ പശ്ചാത്തലത്തിലും ടൗണിൽ തുടരുന്ന ഗതാഗതക്കുരുക്ക് പരിഹരിക്കുന്നതിനുമായി ഗതാഗത സംവിധാനത്തിൽ അടിയന്തര പരിഷ്കാരങ്ങൾക്ക് തീരുമാനം.
അരിക്കുളം ഗ്രാമപഞ്ചായത്തും മേപ്പയ്യൂർ പോലീസും സംയുക്തമായി വിളിച്ചുചേർത്ത സർവ്വകക്ഷി യോഗത്തിലാണ് ടൗണിലെ ഗതാഗത സുരക്ഷ ശക്തമാക്കുന്നതിനുള്ള വിവിധ തീരുമാനങ്ങൾ കൈക്കൊണ്ടത്. രാഷ്ട്രീയ പാർട്ടി പ്രതിനിധികൾ, ജനപ്രതിനിധികൾ, വ്യാപാരി വ്യവസായി ഏകോപന സമിതി നേതാക്കൾ, മോട്ടോർ തൊഴിലാളി പ്രതിനിധികൾ, പോലീസ് ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.
നാല് റോഡുകളിലും നോ-പാർക്കിംഗ്
കുരുടിമുക്ക് ടൗണിലെ നാല് പ്രധാന റോഡുകളിലും നോ-പാർക്കിംഗ് ബോർഡുകൾ സ്ഥാപിക്കും. ബോർഡുകൾ സ്ഥാപിച്ചതിന് ശേഷം ടൗൺ കേന്ദ്രീകരിച്ച് അനധികൃതമായി വാഹനങ്ങൾ പാർക്ക് ചെയ്യുന്നവർക്കെതിരെ പോലീസ് നടപടി സ്വീകരിക്കുകയും പിഴ ഈടാക്കുകയും ചെയ്യും.
ടൗണിൽ ദീർഘനേരം വാഹനം പാർക്ക് ചെയ്ത് പോകുന്നവർ ടൗൺ കേന്ദ്രത്തിൽ നിന്ന് കുറഞ്ഞത് 30 മീറ്റർ അകലെയുള്ള സ്ഥലങ്ങളിൽ മാത്രം വാഹനങ്ങൾ പാർക്ക് ചെയ്യണമെന്നാണ് നിർദ്ദേശം.
കടകൾക്ക് മുന്നിലും പ്രധാന ജംഗ്ഷനിലും വാഹനങ്ങൾ നിർത്തിയിടുന്നത് അനുവദിക്കില്ല.
ബസ് സ്റ്റോപ്പുകളിലും മാറ്റം
ഗതാഗതക്കുരുക്ക് കുറയ്ക്കുന്നതിനായി ജംഗ്ഷനോട് ചേർന്ന് ബസ്സുകൾ നിർത്തുന്നതിലും നിയന്ത്രണം ഏർപ്പെടുത്തും. വിവിധ റോഡുകളിൽ ജംഗ്ഷനിൽ നിന്ന് 10 മുതൽ 25 മീറ്റർ വരെ മാറി ബസ്സുകൾ യാത്രക്കാരെ കയറ്റുകയും ഇറക്കുകയും ചെയ്യേണ്ടതാണ്.
മേപ്പയ്യൂർ–നടുവണ്ണൂർ റൂട്ടിലുള്ള ബസ്സുകൾ നടുവണ്ണൂർ റോഡിലെ ഹോട്ടലും അമ്പലവും കഴിഞ്ഞ് മുന്നോട്ട് മാറി നിർത്തണം.
കൊയിലാണ്ടി ഭാഗത്തുനിന്നുള്ള ബസ്സുകൾ ജമാഅത്ത് പള്ളിയുടെ ഗേറ്റിന് അപ്പുറത്തേക്ക് മാറ്റി നിർത്തുന്നതിനാണ് നിർദ്ദേശം.
അതേസമയം പേരാമ്പ്ര–കൊയിലാണ്ടി റൂട്ടിലുള്ള ബസ്സുകൾ സെബ്രാ ലൈനിൽ തടസ്സമുണ്ടാകാത്ത വിധം അതിന് ഇപ്പുറത്തോ നിർദ്ദിഷ്ട പോയിന്റുകളിലോ നിർത്തി യാത്രക്കാരെ കയറ്റുകയും ഇറക്കുകയും വേണം. ഇതുസംബന്ധിച്ച അന്തിമ ട്രാഫിക് ക്രമീകരണം മേപ്പയ്യൂർ ട്രാഫിക് പോലീസ് നടപ്പിലാക്കും.
2–3 ദിവസത്തിനകം പുതിയ സംവിധാനം
പുതിയ ഗതാഗത നിയന്ത്രണങ്ങൾ അടുത്ത രണ്ട്–മൂന്ന് ദിവസത്തിനകം പ്രാബല്യത്തിൽ വരുമെന്നാണ് ബന്ധപ്പെട്ടവർ അറിയിച്ചിരിക്കുന്നത്.
കുരുടിമുക്ക് ടൗണിലെ അപകടസാധ്യതയും ഗതാഗതക്കുരുക്കും കുറയ്ക്കുന്നതിനുള്ള നടപടികൾ വിജയകരമാകണമെങ്കിൽ വാഹന ഉടമകളുടെയും ഡ്രൈവർമാരുടെയും വ്യാപാരികളുടെയും പൊതുജനങ്ങളുടെയും സഹകരണം അനിവാര്യമാണ്.
സുരക്ഷിതമായ കുരുടിമുക്ക് ടൗണിനായി നിയമങ്ങളും ഗതാഗത നിർദ്ദേശങ്ങളും എല്ലാവരും പാലിക്കണമെന്നാണ് അധികൃതരുടെ അഭ്യർത്ഥന.
റിപ്പോർട്ടർ: ചന്ദ്രൻ ഇസ്ക്ര
📲Get App