🔥 ट्रेंडिंग पाकिस्तान मंत्री का भारत दौरा: एससीओ ब... फॉरेन पॉलिसी ने मोदी के भविष्य पर सवाल... पंचायत सीजन 5 के लिए तैयार: पहले के एप... भोजपुरी स्टार खेसारी लाल यादव ने कहा,... प्राइम वीडियो पर स्ट्रीम होने वाला 'व्... टाइम्स ऑफ़ इंडिया ने 'Almost Arjun' का...
20 नव. 2026•
ગુજરાતી मराठी ਪੰਜਾਬੀ বাংলা
કીમમાં રેલવે ઓવરબ્રીજ નજીક અજાણ્યા વ્યક્તિનો મૃતદેહ મળી આવ્યો, પોલીસે ગુનો નોંધ્યો
अपराध

કીમમાં રેલવે ઓવરબ્રીજ નજીક અજાણ્યા વ્યક્તિનો મૃતદેહ મળી આવ્યો, પોલીસે ગુનો નોંધ્યો

✍️ रिपोर्टर: Maheta Dhavalkumar Jitendrabhai 🗓 11 सित. 2026, 04:42 PM 👁 84
शेयर करें: 💬 WhatsApp 📘 Facebook 𝕏 Post

કીમ પૂર્વ વિસ્તારમાં રેલવે ઓવરબ્રીજના છેડા નજીકથી એક અજાણ્યા વ્યક્તિનો મૃતદેહ મળી આવતાં કીમ પોલીસે તપાસ હાથ ધરી છે. આ ઉપરાંત ઓલપાડમાં એક શ્રમિકને કરંટ લાગવાથી ગંભીર ઈજાઓ પહોંચી છે.

કીમ પૂર્વ વિસ્તારમાં રેલવે ઓવરબ્રીજના છેડા નજીકથી એક અજાણ્યા વ્યક્તિનો મૃતદેહ મળી આવ્યો છે. સાંઈલીલા કોમ્પ્લેક્સની સામે આવેલી પાકી ગટર લાઈન ઉપર જાહેરમાં આ અજાણ્યો વ્યક્તિ મૃત હાલતમાં જોવા મળ્યો હતો. આ ઘટનાની જાણ થતાં કીમ પોલીસ તાત્કાલિક ધોરણે ઘટનાસ્થળે પહોંચી હતી.

કીમ પોલીસે આ મામલે ગુનો નોંધી મૃતદેહનો કબજો મેળવી લીધો છે. હાલમાં આગળની જરૂરી કાર્યવાહી હાથ ધરવામાં આવી છે.

અન્ય ઘટનાની વાત કરીએ તો ઓલપાડના સ્યાદલા ખાતે યુનિક ઈન્ડસ્ટ્રીયલમાં કામ કરતા તોલસિંગ તેરસિંગ ગેહલોત (વડોલી ગામ) પાણીનો ટાંકો બનાવવા ખોદવામાં આવેલા ખાડા પર કામ કરી રહ્યા હતા. દરમિયાન ખાડામાં પાણી ભરાયું હોવાથી તેને બહાર કાઢવા પાણીની મોટર અંદર ઉતારવામાં આવી હતી.

તોલસિંગભાઈ જ્યારે મોટરના વાયરના છેડા ઈલેક્ટ્રિક બોર્ડમાં નાખવા ગયા ત્યારે કરંટ લાગ્યો હતો. જેથી તેમના ડાબા હાથની આંગળીઓ, પગની પાની અને ખભા પર ગંભીર ઈજા પહોંચી હતી. બનાવને પગલે આસપાસના લોકો દોડી આવ્યા હતા અને શ્રમિકને સાયણ સ્થિત જીવનરક્ષા હોસ્પિટલ ખાતે સારવાર અર્થે ખસેડવામાં આવ્યા હતા.
📲Get App