🔥 ट्रेंडिंग କାର୍ତ୍ତିକ ମାସରେ ଗୁଣୁପୁର ସହର ଭକ୍ତିମୟ, ଜ... वाराणसी में गुमशुदा बच्चों की बरामदगी... 🚨 અડતાળામાં પાણીના વિવાદ બાદ પોલીસનો... कार्तिक मेले में श्रद्धालुओं से Need 2... ड्रिश्टि IAS ने 19 नवम्बर 2026 के लिए... बिहार में दवा दुकानों पर औषधि नियंत्रण...
19 नव. 2026•
ગુજરાતી मराठी ਪੰਜਾਬੀ বাংলা
ଫୁଟବଲ ଖେଳୁଥିବା ବେଳେ ହେଲା ବଜ୍ରପାତ; ଜଣେ ମୃତ, ୨ ଗୁରୁତର
स्थानीय

ଫୁଟବଲ ଖେଳୁଥିବା ବେଳେ ହେଲା ବଜ୍ରପାତ; ଜଣେ ମୃତ, ୨ ଗୁରୁତର

✍️ रिपोर्टर: Deepak Mahapatra 🗓 07 सित. 2026, 05:26 PM 👁 104
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ଫାଣ୍ଡି ଅନ୍ତର୍ଗତ କାଲୋସିରିଆ ଗ୍ରାମ ପଞ୍ଚାୟତ ଖଡିଆ ବସ୍ତିରେ ରବିବାର ଏକ ଦୁଃଖଦ ଘଟଣା ଘଟିଯାଇଛି। କିଛି ପିଲା ଗାଁ ପଡ଼ିଆରେ ଫୁଟବଲ ଖେଳୁ ଥିବା ବେଳେ ବଜ୍ରପାତ ହେବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ଦୁଇ ଜଣ ଗୁରୁତର ଆହତ ହୋଇଛନ୍ତି।

ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ଫାଣ୍ଡି ଅନ୍ତର୍ଗତ କାଲୋସିରିଆ ଗ୍ରାମ ପଞ୍ଚାୟତ ଖଡିଆ ବସ୍ତିରେ ରବିବାର ଏକ ଦୁଃଖଦ ଘଟଣା ଘଟିଯାଇଛି। କିଛି ପିଲା ଗାଁ ପଡ଼ିଆରେ ଫୁଟବଲ ଖେଳୁ ଥିବା ବେଳେ ବଜ୍ରପାତ ହେବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ଦୁଇ ଜଣ ଗୁରୁତର ଆହତ ହୋଇଛନ୍ତି। ଅନ୍ୟ ପିଲାମାନେ ଅଳ୍ପକେ ବର୍ତ୍ତି ଯାଇଛନ୍ତି।ଆଜି ରବିବାର ଥିବାରୁ ଅପରାହ୍ନ ପ୍ରାୟ ୩ଟା ବେଳେ ଗାଁର କିଛି ପିଲା ଫୁଟବଲ ଖେଳୁଥିଲେ। ଏହି ସମୟରେ ହଠାତ୍ ପାଗରେ ପରିବର୍ତ୍ତନ ହୋଇଥିଲା। ଝିପିଝିପି ବର୍ଷା ଆରମ୍ଭ ହୋଇଯାଇଥିଲା। ଆଉ କେହି କିଛି ବୁଝିବା ଆଗରୁ ହଠାତ୍ ହୋଇଥିଲା ବଜ୍ରପାତ।

ଏହି ବଜ୍ରପାତର ଶିକାର ହୋଇଥିଲେ ଫୁଟବଲ ଖେଳୁଥିବା ୧୫ ବର୍ଷୀୟ ଅମିତ ମିଞ୍ଜ। ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା।୧୫ ବର୍ଷୀୟ କଷ୍ଟୁ ଗଞ୍ଜୁ ଓ ୧୬ ବର୍ଷୀୟ ସମୀର ତିର୍କୀ ଗୁରୁତର ଆହତ ହୋଇଛନ୍ତି। ଉଭୟଙ୍କୁ ଚିକିତ୍ସା ପାଇଁ କୁଆରମୁଣ୍ଡା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି।

ଘଟଣା ସଂପର୍କରେ ସୂଚନା ପାଇ କୁଆଁରମୁଣ୍ଡା ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଥିଲା। ଏହି ଘଟଣାକୁ ନେଇ ଗାଁରେ ଶୋକର ଛାୟା ଖେଳିଯାଇଛି ।
📲Get App