🔥 TRENDING जैसलमेर में पंचायत समिति व जिला परिषद... नशे के खिलाफ एकजुट हुए एकाढ़ा के छात्र... कायाकल्प अभियान के तहत स्कूलों की व्यव... Azam Khan: Today's Congress Leadership... Uttar Pradesh plants over 40 crore tre... Azam Khan mocks Asaduddin Owaisi with...
19 Nov 2026•
ગુજરાતી मराठी ਪੰਜਾਬੀ বাংলা
ગારિયાધારમાં લાખોની ચોરીનો ભેદ ઉકેલાયો, ગણતરીના કલાકોમાં આરોપી ઝડપાયો
Crime

ગારિયાધારમાં લાખોની ચોરીનો ભેદ ઉકેલાયો, ગણતરીના કલાકોમાં આરોપી ઝડપાયો

✍️ Reporter: Makvana Jaydip 🗓 29 Aug 2026, 10:12 PM 👁 104
Watch on: ▶️ YouTube
Share: 💬 WhatsApp 📘 Facebook 𝕏 Post
નાની વાવડીની મહિલાની રૂ. 24.59 લાખની માલમત્તા ભરેલી બેગ ચોરાઈ હતી, પોલીસે રૂ. 25.39 લાખનો મુદ્દામાલ કબજે કર્યો

ભાવનગરના ગારિયાધારમાં લાખો રૂપિયાની ચોરીનો ભેદ પોલીસે ગણતરીના કલાકોમાં ઉકેલી આરોપીની ધરપકડ કરી છે. સુરતથી નાની વાવડી આવેલી કોમલબેન પાર્થભાઈ કોરાટની બેગમાંથી સોના-ચાંદીના દાગીના અને રોકડ સહિત કુલ રૂ. 24,59,730ની માલમત્તા ચોરાઈ હતી.

જન્માષ્ટમીની ઉજવણી માટે પોતાના વતન નાની વાવડી આવેલી કોમલબેન રિક્ષામાં ગામે પહોંચ્યા હતા. સામાન ઉતારતી વખતે તેમની કિંમતી બેગ ગુમ થઈ જતા તેમણે ગારિયાધાર પોલીસ મથકે ફરિયાદ નોંધાવી હતી.

ફરિયાદ મળતાં જ ગારિયાધાર પોલીસે ટેકનિકલ સહિતની તપાસ હાથ ધરી હતી. તપાસ દરમિયાન પોલીસને નાની વાવડીના કલ્પેશ ઉર્ફે કલો નાનુભાઈ મકવાણા પર શંકા જતા તેને ઝડપી પાડ્યો હતો.

પોલીસે આરોપી પાસેથી રૂ. 23,29,733ના સોના-ચાંદીના દાગીના, રૂ. 1,30,000 રોકડ અને રૂ. 80,000ની રિક્ષા સહિત કુલ રૂ. 25,39,733નો મુદ્દામાલ કબજે કર્યો છે.

આમ, ગારિયાધાર પોલીસે ઝડપી કાર્યવાહી કરી લાખોની ચોરીનો ભેદ ગણતરીના કલાકોમાં ઉકેલી આરોપીને ઝડપી પાડ્યો છે.
📲Get App