🔥 TRENDING Two killed, six injured as Fortuner pl... Delhi records season's coldest morning... Health worker’s car seized with foreig... Four dead, three injured in head‑on ca... Lawyers Block Katni Municipal Main Gat... जैकी श्रॉफ और रेखा गुप्ता ने यमुना नदी...
19 Nov 2026•
ગુજરાતી मराठी ਪੰਜਾਬੀ বাংলা
સંતરામપુર તાલુકાની ભંડારા તળગામ અને બોડીકુબા પ્રાથમિક શાળામાં બાળકો સાથે રક્ષાબંધન ની ઉજવણી કરવામાં આવી
Religion

સંતરામપુર તાલુકાની ભંડારા તળગામ અને બોડીકુબા પ્રાથમિક શાળામાં બાળકો સાથે રક્ષાબંધન ની ઉજવણી કરવામાં આવી

✍️ Reporter: Alpesh Taviyad 🗓 25 Aug 2026, 03:08 PM 👁 104
Watch on: ▶️ YouTube
Share: 💬 WhatsApp 📘 Facebook 𝕏 Post
સંતરામપુર તાલુકાની પ્રાથમિક શાળાઓમાં રક્ષાબંધનની ઉજવણી

સંતરામપુર, તા. 25 ઓગસ્ટ 2026: સંતરામપુર તાલુકાની ભંડારા તળગામ અને બોડીકુબા પ્રાથમિક શાળામાં રક્ષાબંધન પર્વની ઉત્સાહભેર અને હર્ષોલ્લાસ સાથે ઉજવણી કરવામાં આવી હતી. તાવિયાડ અલ્પેશકુમાર એન્ડ ટીમ દ્વારા શાળાના બાળકો સાથે રક્ષાબંધનના પવિત્ર પર્વની ઉજવણી કરવામાં આવી હતી.

આ પ્રસંગે બાળકોમાં ભાઈ-બહેનના પવિત્ર સંબંધ, પ્રેમ, સ્નેહ અને પરસ્પર રક્ષણની ભાવના વધુ મજબૂત બને તેવા હેતુથી વિવિધ પ્રવૃત્તિઓનું આયોજન કરવામાં આવ્યું હતું. બાળકોમાં રક્ષાબંધન પર્વનું મહત્વ સમજાવવામાં આવ્યું હતું તેમજ ભારતીય સંસ્કૃતિ અને પરંપરામાં રક્ષાબંધનનું વિશેષ સ્થાન હોવાનું સમજાવવામાં આવ્યું હતું.

રક્ષાબંધન નિમિત્તે બાળકોમાં અનેરો ઉત્સાહ જોવા મળ્યો હતો. બાળકો દ્વારા એકબીજાને રાખડી બાંધીને સ્નેહ અને ભાઈચારાની ભાવના વ્યક્ત કરવામાં આવી હતી. આ સાથે બાળકોને રાખડીનું મહત્વ, ભાઈ-બહેનના સંબંધની લાગણી તથા એકબીજાની કાળજી અને રક્ષણ કરવાની જવાબદારી અંગે માર્ગદર્શન આપવામાં આવ્યું હતું.

શાળાના આ કાર્યક્રમથી સમગ્ર શાળા પરિસરમાં આનંદ અને ઉત્સવનો માહોલ સર્જાયો હતો. શિક્ષકો, બાળકો તથા તાવિયાડ અલ્પેશકુમાર એન્ડ ટીમના સભ્યોની ઉપસ્થિતિમાં કાર્યક્રમને સફળ બનાવવામાં આવ્યો હતો. આવા સાંસ્કૃતિક અને સામાજિક કાર્યક્રમો દ્વારા બાળકોમાં ભારતીય સંસ્કૃતિ, સંસ્કારો, પ્રેમ, એકતા અને સામાજિક જવાબદારીની ભાવના કેળવાય છે.

ભંડારા તળગામ તથા બોડીકુબા પ્રાથમિક શાળામાં યોજાયેલ આ રક્ષાબંધન ઉજવણી બાળકો માટે આનંદદાયક અને યાદગાર બની રહી હતી.
📲Get App