🔥 TRENDING सेक्टर 12 स्थित श्री श्याम मंदिर में भ... ବାଲେଶ୍ବର ଜିଲ୍ଲାରେ ସମସ୍ତ ସ୍କୁଲ ଓ ଅଙ୍ଗନବ... ବାତ୍ୟା ଚେତାବନୀରେ ପୂର୍ବତଟ ରେଲୱେ ଆଜି ଛଅଟ... ୧୩ କିମି/ଘଣ୍ଟା ବେଗରେ ଚଳିତ ସାଇକ୍ଲୋନ୍ ଆକ୍... ଫେବ୍ରୁଆରୀ ୧୬ରୁ ଆରମ୍ଭ ହେବା ଯୁକ୍ତ ୨ ପରୀକ... Cyclone Aqwan 20-21 ତାରିଖରେ ଶିମିଳିପାଳ...
19 Nov 2026•
ગુજરાતી मराठी ਪੰਜਾਬੀ বাংলা
સાબરકાંઠા એલસીબીની મોટી સફળતા: રાજસ્થાનની કુખ્યાત 'બીજુડા ગેંગ'ના બે ઇનામી આરોપીઓ ઝડપાયા
Crime

સાબરકાંઠા એલસીબીની મોટી સફળતા: રાજસ્થાનની કુખ્યાત 'બીજુડા ગેંગ'ના બે ઇનામી આરોપીઓ ઝડપાયા

✍️ Reporter: Ranjanben Dharmendrbhai Panchal 🗓 21 Aug 2026, 12:28 PM 👁 110
Watch on: ▶️ YouTube
Share: 💬 WhatsApp 📘 Facebook 𝕏 Post

સાબરકાંઠા પોલીસે રાજસ્થાન અને ગુજરાતમાં અનેક ગુના આચરનાર બીજુડા ગેંગના બે સક્રિય આરોપીઓને ૪૫,૦૦૦ રૂપિયાના મુદ્દામાલ સાથે ઝડપી પાડી ત્રણ વાહન ચોરીના ગુનાઓનો ભેદ ઉકેલ્યો છે.

સાબરકાંઠા લોકલ ક્રાઇમ બ્રાન્ચ (LCB) દ્વારા રાજસ્થાન અને ગુજરાતમાં લૂંટ, ચેઇન સ્નેચિંગ, ધાડ અને વાહન ચોરી જેવી ગંભીર પ્રવૃત્તિઓ આચરતી કુખ્યાત 'બીજુડા ગેંગ'ના બે સક્રિય આરોપીઓને ઝડપી પાડવામાં આવ્યા છે. નાયબ પોલીસ મહાનિરીક્ષક વીરેન્દ્રસિંહ યાદવ અને પોલીસ અધિક્ષક ડો. પાર્થરાજસિંહ ગોહિલના માર્ગદર્શન હેઠળ એલસીબીની ટીમે આ સફળ કામગીરી કરી છે.

પોલીસને બાતમી મળી હતી કે રાજસ્થાનના બીછીવાડા પોલીસ સ્ટેશન પર હુમલો કરી ફરાર થયેલા અને ઈનામી આરોપી પપ્પુ ઉર્ફે ભૂપેન્દ્ર કાઉઆ કાવા ડુહા તથા ગણેશ બચુ ડુહા ઇડરથી હિંમતનગર તરફ આવી રહ્યા છે. આ માહિતીના આધારે એલસીબીની ટીમે ધાણધા સરકારી નર્સરી પાસે વોચ ગોઠવી બંને આરોપીઓને બે મોટરસાયકલ સાથે કોર્ડન કરીને પકડી પાડ્યા હતા.

પૂછપરછ દરમિયાન આરોપીઓએ હિંમતનગર અને ભિલોડા વિસ્તારમાંથી મોટરસાયકલ ચોરી કર્યાની કબૂલાત કરી હતી. પોલીસે ૪૫,૦૦૦ રૂપિયાની કિંમતના બે મોટરસાયકલ કબજે કરી કાયદેસરની કાર્યવાહી હાથ ધરી છે. આ ધરપકડ સાથે પોલીસે હિંમતનગર અને ભિલોડા પોલીસ સ્ટેશનમાં નોંધાયેલા કુલ ત્રણ વાહન ચોરીના ગુનાઓ ડીટેક્ટ કર્યા છે.

ઉલ્લેખનીય છે કે મુખ્ય આરોપી પપ્પુ ઉર્ફે ભૂપેન્દ્ર કાઉઆ કાવા ડુહા પર ઉદયપુર પોલીસ દ્વારા ૫,૦૦૦ રૂપિયાનું ઇનામ જાહેર કરવામાં આવ્યું હતું. હાલ બંને આરોપીઓને વધુ તપાસ માટે હિંમતનગર બી-ડિવિઝન પોલીસ સ્ટેશનને સોંપવામાં આવ્યા છે.
📲Get App