🔥 TRENDING West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স... Severe Cyclonic Storm Akvan Nears Indi... Tejashwi Yadav Slams Bihar Government... Bihar Law Department Opens 2026 Recrui... Bihar Launches New Police Data Centre,...
20 Nov 2026•
ગુજરાતી मराठी ਪੰਜਾਬੀ বাংলা
સાબરકાંઠા એલસીબીની મોટી સફળતા: રાજસ્થાનની કુખ્યાત 'બીજુડા ગેંગ'ના બે ઇનામી આરોપીઓ ઝડપાયા
Crime

સાબરકાંઠા એલસીબીની મોટી સફળતા: રાજસ્થાનની કુખ્યાત 'બીજુડા ગેંગ'ના બે ઇનામી આરોપીઓ ઝડપાયા

✍️ Reporter: Kalpeshkumar Narayanbhai Panchal 🗓 21 Aug 2026, 12:20 PM 👁 93
Watch on: ▶️ YouTube
Share: 💬 WhatsApp 📘 Facebook 𝕏 Post

સાબરકાંઠા લોકલ ક્રાઈમ બ્રાન્ચે ગુજરાત અને રાજસ્થાનમાં તરખાટ મચાવનાર બીજુડા ગેંગના બે આરોપીઓને ૪૫,૦૦૦ રૂપિયાના મુદ્દામાલ સાથે ઝડપી પાડી ત્રણ વાહન ચોરીના ગુનાઓ ઉકેલી કાઢ્યા છે.

સાબરકાંઠા લોકલ ક્રાઈમ બ્રાન્ચ (LCB) દ્વારા ગુજરાત અને રાજસ્થાનમાં લૂંટ, ધાડ, ચેઈન સ્નેચિંગ અને વાહન ચોરી જેવી ગંભીર ગુનાહિત પ્રવૃત્તિઓ આચરતી કુખ્યાત 'બીજુડા ગેંગ'ના બે સક્રિય આરોપીઓને ઝડપી પાડવામાં આવ્યા છે. પોલીસને મળેલી બાતમીના આધારે, ઈડરથી હિંમતનગર તરફ આવી રહેલા પપ્પુ ઉર્ફે ભૂપેન્દ્ર કાઉઆ કાવા ડુહા અને ગણેશ બચુ ડુહાને ધાણધા સરકારી નર્સરી પાસે કોર્ડન કરીને પકડી લેવામાં આવ્યા હતા.

પકડાયેલા આરોપીઓ પૈકી પપ્પુ ઉર્ફે ભૂપેન્દ્ર ડુહા સામે રાજસ્થાન પોલીસ પર હુમલો કરવાના ગુનામાં ઉદયપુર પોલીસ અધિક્ષક દ્વારા ૫,૦૦૦ રૂપિયાનું ઈનામ પણ જાહેર કરવામાં આવ્યું હતું. પૂછપરછ દરમિયાન આરોપીઓએ હિંમતનગર અને ભિલોડા વિસ્તારમાંથી મોટરસાયકલ ચોરી કર્યાની કબૂલાત કરી હતી. પોલીસે તેમની પાસેથી ૪૫,૦૦૦ રૂપિયાની કિંમતના બે મોટરસાયકલ કબજે કર્યા છે.

આ સફળ કામગીરીમાં એલસીબીના પોલીસ ઈન્સ્પેક્ટર ડી.સી. સાકરિયા, પીએસઆઈ આર.જે. જાડેજા અને તેમની ટીમે ટેકનિકલ સર્વેલન્સ અને હ્યુમન સોર્સિસની મદદથી આરોપીઓને ટ્રેસ કર્યા હતા. આરોપીઓની ધરપકડ બાદ તેમની સામે હિંમતનગર બી-ડિવિઝન અને ભિલોડા પોલીસ સ્ટેશનમાં નોંધાયેલા કુલ ત્રણ વાહન ચોરીના ગુનાઓ ડીટેક્ટ થયા છે. હાલમાં બંને આરોપીઓને વધુ તપાસ અર્થે હિંમતનગર બી-ડિવિઝન પોલીસને સોંપવામાં આવ્યા છે.
📲Get App