🔥 TRENDING Scindia and Samrat discuss expanding t... Six dead as car returning from pre-wed... Bihar Chief Secretary Pratyaya Amrit u... રાજીવ ગાંધી ભવનમાં રણદીપસિંહ સુરજેવાલા... आज राजस्थान के दौसा जिले में सिकंदरा च... पकरीबरावां में ट्रांसफॉर्मर में लगी आग...
19 Nov 2026•
ગુજરાતી मराठी ਪੰਜਾਬੀ বাংলা
જૂનાગઢમાં બિલ્ડર સામે ધમકી અને ઉઘરાણીના આક્ષેપમાં ધરપકડ
Crime

જૂનાગઢમાં બિલ્ડર સામે ધમકી અને ઉઘરાણીના આક્ષેપમાં ધરપકડ

✍️ Reporter: SUDIP GADHIYA 🗓 14 Aug 2026, 12:58 AM 👁 118
Share: 💬 WhatsApp 📘 Facebook 𝕏 Post

જૂનાગઢના બિલ્ડર અશ્વિનભાઈ માળીને ધમકીઓ આપી વ્યાજની ઉઘરાણી કરવા અને દસ્તાવેજો પડાવી લેવાના આક્ષેપમાં લખન કોડીયાતરની ધરપકડ કરવામાં આવી છે.

જૂનાગઢમાં એક જાણીતા બિલ્ડર અશ્વિનભાઈ માળીને ધમકી આપી વ્યાજની ઉઘરાણી કરવા, તેમજ દુકાનો, પ્લોટ અને જમીનના દસ્તાવેજો, કોરા ચેક અને પ્રોમિસરી નોટ પડાવી લેવાના આક્ષેપમાં ક્રાઈમ બ્રાન્ચે લખન ઉર્ફે બબન કોડીયાતરની ધરપકડ કરી છે.

ફરિયાદ મુજબ, આ આરોપી 2012થી અલગ-અલગ સમયગાળામાં 2થી 5 ટકા વ્યાજે પૈસા આપીને વ્યાજ અને વ્યાજના વ્યાજની ઉઘરાણી માટે ફોન અને મેસેજ દ્વારા ધમકીઓ આપતો હતો. આ ઉપરાંત, પરિવારની માલિકીની મિલકતોના દસ્તાવેજો કરાવી લેવાયા હોવાના તેમજ કોરા ચેક, પ્રોમિસરી નોટ અને ડાયરીમાં લખાણ કરાવી લીધાના આક્ષેપો પણ કરવામાં આવ્યા છે.

જૂનાગઢ બી-ડિવિઝન પોલીસ સ્ટેશનમાં ફરિયાદ નોંધાયા બાદ તપાસ ક્રાઈમ બ્રાન્ચને સોંપવામાં આવી હતી. ક્રાઈમ બ્રાન્ચે ટેકનિકલ સર્વેલન્સ અને ખાનગી બાતમીના આધારે આરોપીને તેના રહેણાંક મકાન નજીકથી ઝડપી પાડ્યો હતો.

પોલીસ તપાસમાં આ આરોપી વિરુદ્ધ અગાઉના અનેક ગુનાઓ નોંધાયેલા હોવાનું સામે આવ્યું છે. હાલ સમગ્ર મામલે વધુ તપાસ ચાલી રહી છે અને અન્ય ભોગ બનનાર સામે આવે તેવી શક્યતા પણ પોલીસ દ્વારા વ્યક્ત કરવામાં આવી છે.
📲Get App