🔥 ट्रेंडिंग आज राजस्थान के दौसा जिले में सिकंदरा च... पकरीबरावां में ट्रांसफॉर्मर में लगी आग... କାର୍ତ୍ତିକ ମାସରେ ଗୁଣୁପୁର ସହର ଭକ୍ତିମୟ, ଜ... वाराणसी में गुमशुदा बच्चों की बरामदगी... 🚨 અડતાળામાં પાણીના વિવાદ બાદ પોલીસનો... कार्तिक मेले में श्रद्धालुओं से Need 2...
19 नव. 2026•
ગુજરાતી मराठी ਪੰਜਾਬੀ বাংলা
તિરંગાની શાનમાં તિલકવાડા રંગાયું

તિરંગાની શાનમાં તિલકવાડા રંગાયું

✍️ रिपोर्टर: Bhailalbhai Baria 🗓 12 अग. 2026, 01:00 PM 👁 132
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post
નર્મદા જિલ્લાના તિલકવાડા ખાતે દેશભક્તિ અને રાષ્ટ્રપ્રેમની ભાવનાને ઉજાગર કરતી ભવ્ય તિરંગા યાત્રા યોજાઈ હતી. તિલકવાડા ચોકડીથી શરૂ થયેલી આ યાત્રામાં શાળાના વિદ્યાર્થીઓ, સરકારી કર્મચારીઓ, રાજકીય હોદ્દેદારો અને મોટી સંખ્યામાં નગરજનો જોડાયા હતા.
હાથમાં તિરંગો લઈને નીકળેલા લોકોના “ભારત માતા કી જય” અને “વંદે માતરમ”ના નાદથી સમગ્ર તિલકવાડા ગુંજી ઉઠ્યું હતું. યાત્રા નગરના મુખ્ય માર્ગો પરથી પસાર થઈ હતી. આઝાદ ચોક, ડેરી ફળિયા અને આંબેડકર ચોક સહિતના વિસ્તારોમાં સ્થાનિક લોકો દ્વારા યાત્રાનું ઉત્સાહભેર સ્વાગત કરવામાં આવ્યું હતું.
તિરંગા યાત્રામાં બાળકો અને યુવાનોનો ખાસ ઉત્સાહ જોવા મળ્યો હતો. નાના-મોટા સૌ કોઈએ તિરંગો લહેરાવીને રાષ્ટ્રપ્રેમની લાગણી વ્યક્ત કરી હતી. સમગ્ર માર્ગ પર દેશભક્તિનો માહોલ છવાઈ ગયો હતો અને નગર જાણે તિરંગાના રંગમાં રંગાઈ ગયું હતું.
તિરંગો દેશની આન, બાન અને શાનનું પ્રતીક છે. આ યાત્રા દ્વારા દેશની એકતા, અખંડિતતા અને રાષ્ટ્રપ્રેમનો સંદેશ આપવામાં આવ્યો હતો. એક જ તિરંગા નીચે વિવિધ વર્ગના લોકોનું એકત્રિત થવું રાષ્ટ્રીય એકતાની સુંદર ઝલક બની રહ્યું હતું.
યાત્રાનું તિલકવાડા કોમ્પલેક્ષ ખાતે સમાપન થયું હતું. દેશભક્તિના નારા અને લહેરાતા તિરંગા સાથે યોજાયેલી આ યાત્રાએ તિલકવાડામાં રાષ્ટ્રપ્રેમ અને એકતાની યાદગાર છાપ છોડી હતી.
એક તિરંગો... એક ભારત... અને દેશ માટે એક સંકલ્પ!
📲Get App