🔥 TRENDING ସାଇକ୍ଲୋନ୍ ଆକ୍ବାନ୍: ଢେଙ୍କାନାଳ ପୌରପାଳିକା... US Companies Ramp Up Design and Resear... Ahmedabad Hosts Third All India Police... Karnataka vs Jharkhand: Match Preview... Delhi’s AQI Soars to 280 as Toxic Air... Amar Ujala Launches Live Bihar News Up...
20 Nov 2026•
ગુજરાતી मराठी ਪੰਜਾਬੀ বাংলা
વિરમગામમાં મેઘરાજાની એન્ટ્રી, ધીમી ધારે વરસાદ શરૂ થતાં શહેરમાં ઠંડક પ્રસરી
National

વિરમગામમાં મેઘરાજાની એન્ટ્રી, ધીમી ધારે વરસાદ શરૂ થતાં શહેરમાં ઠંડક પ્રસરી

✍️ Reporter: Chavda Jignesh 🗓 11 Aug 2026, 11:28 AM 👁 103
Share: 💬 WhatsApp 📘 Facebook 𝕏 Post
વિરમગામ શહેરમાં આજે વરસાદી માહોલ જોવા મળી રહ્યો છે. સવારથી જ આકાશમાં વાદળછાયું વાતાવરણ છવાયા બાદ ધીમી ધારે વરસાદ શરૂ થતાં શહેરના વાતાવરણમાં ઠંડક પ્રસરી ગઈ છે. લાંબા સમય બાદ વરસાદી માહોલ જોવા મળતાં સ્થાનિકોમાં પણ ખુશીનો માહોલ જોવા મળી રહ્યો છે.
વિરમગામમાં શરૂ થયેલો વરસાદ હાલ ધીમી ગતિએ વરસી રહ્યો છે. વરસાદના કારણે રસ્તાઓ ભીના થયા છે અને શહેરમાં ચોમાસાની રોનક ફરી જોવા મળી રહી છે. વરસાદી માહોલને પગલે ગરમી અને ઉકળાટમાંથી લોકોને રાહત મળી છે.
હવામાન વિભાગની આગાહી મુજબ આગામી દિવસોમાં ગુજરાતના અનેક વિસ્તારોમાં હળવાથી મધ્યમ વરસાદની શક્યતા છે. 11થી 14 ઓગસ્ટ દરમિયાન ઉત્તર, મધ્ય, પૂર્વ અને દક્ષિણ ગુજરાતના કેટલાક વિસ્તારોમાં વરસાદી માહોલ રહેવાની સંભાવના વ્યક્ત કરવામાં આવી છે. કેટલાક સ્થળોએ ગાજવીજ સાથે વરસાદ પણ પડી શકે છે.
હાલ વિરમગામમાં ધીમી ધારે વરસાદ વરસી રહ્યો છે ત્યારે આગામી કલાકોમાં વરસાદનું જોર વધે છે કે નહીં તેના પર સૌની નજર છે.
📲Get App