🔥 TRENDING बाड़मेर में चुनावी पारा चढ़ा, परिणाम क... Nagaland Unveils New Agarwood Policy t... Two killed, six injured as Fortuner pl... Delhi records season's coldest morning... Health worker’s car seized with foreig... Four dead, three injured in head‑on ca...
19 Nov 2026•
ગુજરાતી मराठी ਪੰਜਾਬੀ বাংলা

નર્મદા જિલ્લાના તિલકવાડા તાલુકાની સુરવા પ્રાથમિક શાળામાં ૬૮મા શાળા સ્થાપના દિનની ભવ્ય ઉજવણી કરવામાં આવી હતી.

✍️ Reporter: Bhailalbhai Baria 🗓 10 Aug 2026, 08:16 PM 👁 138
Share: 💬 WhatsApp 📘 Facebook 𝕏 Post
સુરવા પ્રાથમિક શાળાની સ્થાપના ૧૦ ઓગસ્ટ, ૧૯૫૮ના રોજ કરવામાં આવી હતી. આજે શાળાના ૬૮મા સ્થાપના દિન નિમિત્તે શાળા પરિવાર દ્વારા વિવિધ કાર્યક્રમોનું આયોજન કરવામાં આવ્યું હતું.
શાળા સ્થાપના દિનની ઉજવણી પ્રસંગે શાળાના આચાર્યશ્રી તેમજ બાલવાટિકાના નાનકડા ભૂલકાં હર્ષના હસ્તે કેક કાપવામાં આવ્યો હતો. આ પ્રસંગે શાળાના શિક્ષકો અને વિદ્યાર્થીઓએ ઉત્સાહપૂર્વક ભાગ લીધો હતો.
ઉજવણી દરમિયાન વિદ્યાર્થીઓ દ્વારા વિવિધ સાંસ્કૃતિક કાર્યક્રમો રજૂ કરવામાં આવ્યા હતા. વિદ્યાર્થીઓની સુંદર રજૂઆતોને ઉપસ્થિત સૌએ ઉત્સાહભેર વધાવી હતી.
આ ઉપરાંત શાળાએ અત્યાર સુધીમાં કરેલી શૈક્ષણિક અને સર્વાંગી પ્રગતિનો અહેવાલ પણ રજૂ કરવામાં આવ્યો હતો. વર્ષોથી શાળાએ શિક્ષણ ક્ષેત્રે કરેલી કામગીરી અને વિદ્યાર્થીઓના વિકાસની વિવિધ પ્રવૃત્તિઓ અંગે માહિતી આપવામાં આવી હતી.
૬૮ વર્ષનો ગૌરવપૂર્ણ શૈક્ષણિક વારસો ધરાવતી સુરવા પ્રાથમિક શાળાનો સ્થાપના દિન વિદ્યાર્થીઓ, શિક્ષકો અને સમગ્ર શાળા પરિવાર માટે યાદગાર બની રહ્યો હતો.
આમ, શિક્ષણ અને સંસ્કારની યાત્રાના ૬૮ વર્ષ પૂર્ણ કરી સુરવા પ્રાથમિક શાળાએ શાળા સ્થાપના દિનની ભવ્ય અને ઉત્સાહભેર ઉજવણી કરી હતી.
📲Get App