🔥 TRENDING Anushka Shetty Sells Hyderabad Residen... Actress Sreeleela’s Telugu film hiatus... Democratic Lawmakers Link US Funding B... Government to Establish Central Author... Tripura SW & SE Minister pledges maste... Siberian migratory birds spotted acros...
20 Nov 2026•
ગુજરાતી मराठी ਪੰਜਾਬੀ বাংলা
Business

ਬੈਂਕ ''ਚ ਵੀ ਸੁਰੱਖਿਅਤ ਨਹੀਂ ਪੈਸਾ, PNB ''ਚੋਂ ਗਾਹਕਾਂ ਦੇ 35 ਕਰੋੜ ਗਾਇਬ

✍️ Reporter: Shamsher Singh 🗓 27 Oct 2026, 10:30 PM 👁 94
Share: 💬 WhatsApp 📘 Facebook 𝕏 Post

ਬੈਂਕ ''ਚ ਵੀ ਸੁਰੱਖਿਅਤ ਨਹੀਂ ਪੈਸਾ, PNB ''ਚੋਂ ਗਾਹਕਾਂ ਦੇ 35 ਕਰੋੜ ਗਾਇਬ

ਬੈਂਕ ''ਚ ਵੀ ਸੁਰੱਖਿਅਤ ਨਹੀਂ ਪੈਸਾ, PNB ''ਚੋਂ ਗਾਹਕਾਂ ਦੇ 35 ਕਰੋੜ ਗਾਇਬ
‎Tuesday, Oct 27, 2026।
‎ਗ੍ਰੇਟਰ ਨੋਇਡਾ : ਦਿੱਲੀ ਨਾਲ ਲੱਗਦੇ ਗ੍ਰੇਟਰ ਨੋਇਡਾ ਦੇ ਸੈਕਟਰ ਪਾਈ-1 ਸਥਿਤ ਐੱਛਰ ਪਿੰਡ ਦੀ ਪੰਜਾਬ ਨੇਸ਼ਨਲ ਬੈਂਕ (PNB) ਸ਼ਾਖਾ ਵਿੱਚੋਂ ਗਾਹਕਾਂ ਦੀਆਂ ਜਮ੍ਹਾਂ ਰਕਮਾਂ ਗਾਇਬ ਹੋਣ ਦਾ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਖਾਤੇਦਾਰਾਂ ਦਾ ਆਰੋਪ ਹੈ ਕਿ ਬੈਂਕ ਕਰਮਚਾਰੀਆਂ ਦੀ ਮਿਲੀਭੁਗਤ ਨਾਲ ਉਨ੍ਹਾਂ ਦੀ ਇਜਾਜ਼ਤ ਤੋਂ ਬਿਨਾਂ ਖਾਤਿਆਂ 'ਚੋਂ ਕਰੋੜਾਂ ਰੁਪਏ ਕੱਢਵਾ ਲਏ ਗਏ ਹਨ। ਸ਼ੁਰੂਆਤੀ ਜਾਣਕਾਰੀ ਅਨੁਸਾਰ ਇਹ ਪੂਰਾ ਫਰਜ਼ੀਵਾੜਾ ਲਗਭਗ 35 ਕਰੋੜ ਰੁਪਏ ਦਾ ਦੱਸਿਆ ਜਾ ਰਿਹਾ ਹੈ।
‎
‎ਪੀੜਤ ਗਾਹਕਾਂ ਅਨੁਸਾਰ ਉਨ੍ਹਾਂ ਨੇ ਆਪਣੀ ਗੜ੍ਹੀ-ਕਮਾਈ ਬੈਂਕ ਵਿੱਚ ਫਿਕਸਡ ਡਿਪਾਜ਼ਿਟ (FD) ਵਜੋਂ ਰੱਖੀ ਹੋਈ ਸੀ। ਬੈਂਕ ਵੱਲੋਂ ਗਾਹਕਾਂ ਨੂੰ ਬਿਨਾਂ ਕੋਈ ਸੂਚਨਾ ਦਿੱਤੇ ਇਨ੍ਹਾਂ ਐੱਫ.ਡੀ.ਆਂ ਨੂੰ ਸਮੇਂ ਤੋਂ ਪਹਿਲਾਂ ਤੋੜ ਕੇ ਰਕਮ ਆਰ.ਟੀ.ਜੀ.ਐੱਸ. (RTGS) ਜ਼ਰੀਏ ਦੂਜੇ ਵਿਅਕਤੀਆਂ ਦੇ ਖਾਤਿਆਂ ਵਿੱਚ ਟ੍ਰਾਂਸਫਰ ਕਰ ਦਿੱਤੀ ਗਈ। ਇਸ ਧੋਖਾਧੜੀ ਦਾ ਪਤਾ ਲੱਗਦਿਆਂ ਹੀ ਗਾਹਕਾਂ ਵਿੱਚ ਭਾਰੀ ਰੋਸ ਫੈਲ ਗਿਆ ਅਤੇ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਬੈਂਕ ਸ਼ਾਖਾ ਦੇ ਬਾਹਰ ਪਹੁੰਚ ਕੇ ਜ਼ੋਰਦਾਰ ਪ੍ਰਦਰਸ਼ਨ ਕੀਤਾ।
‎ਬੈਂਕ ਗਾਹਕ ਰਾਹੁਲ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮਾਂ ਦੇ ਖਾਤੇ 'ਚੋਂ ਬਿਨਾਂ ਇਜਾਜ਼ਤ ਲਗਭਗ 51 ਲੱਖ ਰੁਪਏ ਕੱਢ ਲਏ ਗਏ ਹਨ। ਖਾਤਾ ਮੋਬਾਈਲ ਨੰਬਰ ਨਾਲ ਲਿੰਕ ਨਾ ਹੋਣ ਕਾਰਨ ਪਰਿਵਾਰ ਨੂੰ ਲੈਣ-ਦੇਣ ਦੀ ਤੁਰੰਤ ਜਾਣਕਾਰੀ ਨਹੀਂ ਮਿਲ ਸਕੀ। ਇੱਕ ਹੋਰ ਗਾਹਕ ਸੋਨੂ ਸਾਗਰ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦੇ ਪਿਤਾ ਦੇ ਖਾਤੇ ਵਿੱਚ ਪਹਿਲਾਂ 88 ਲੱਖ ਰੁਪਏ ਸਨ, ਪਰ ਹਾਲ ਹੀ ਦੀ ਸਟੇਟਮੈਂਟ ਵਿੱਚ ਮਹਿਜ਼ 1,290 ਰੁਪਏ ਹੀ ਬਾਕੀ ਰਹਿ ਗਏ ਹਨ। ਉਨ੍ਹਾਂ ਦੱਸਿਆ ਕਿ 6 ਜੂਨ 2025 ਨੂੰ ਖਾਤੇ 'ਚੋਂ 25 ਲੱਖ, 21 ਲੱਖ, 20 ਲੱਖ ਅਤੇ 5 ਲੱਖ ਰੁਪਏ ਦੀਆਂ ਵੱਡੀਆਂ ਰਕਮਾਂ ਕੱਢਵਾਈਆਂ ਗਈਆਂ ਸਨ।
‎
‎ਇਸ ਵੱਡੀ ਗੜਬੜੀ ਤੋਂ ਬਾਅਦ ਬੈਂਕਿੰਗ ਪ੍ਰਣਾਲੀ ਅਤੇ ਪੈਸਿਆਂ ਦੀ ਸੁਰੱਖਿਆ 'ਤੇ ਗੰਭੀਰ ਸਵਾਲ ਖੜ੍ਹੇ ਹੋ ਗਏ ਹਨ। ਪੀੜਤਾਂ ਨੇ ਮਾਮਲੇ ਦੀ ਨਿਰਪੱਖ ਜਾਂਚ ਅਤੇ ਆਪਣੇ ਪੈਸੇ ਜਲਦ ਵਾਪਸ ਮਿਲਣ ਦੀ ਮੰਗ ਕੀਤੀ ਹੈ। ਬੈਂਕ ਅਧਿਕਾਰੀਆਂ ਨੇ ਗਾਹਕਾਂ ਨੂੰ ਪੈਸੇ ਵਾਪਸ ਦਿਵਾਉਣ ਦਾ ਭਰੋਸਾ ਦਿੱਤਾ ਹੈ, ਪਰ ਖ਼ਬਰ ਲਿਖੇ ਜਾਣ ਤੱਕ ਬੈਂਕ ਪ੍ਰਬੰਧਨ ਵੱਲੋਂ ਕੋਈ ਰਸਮੀ ਜਾਂ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਗਿਆ।
📲Get App