🔥 ट्रेंडिंग किला चौक में स्कॉर्पियो चेकिंग के दौरा... SPECIAL CAMPAIGN TO BEGIN TOMORROW AT... बेलूपुर पुलिस ने गैंगस्टर एक्ट के तहत... दारू थाना क्षेत्र में प्रकाश जनरल स्टो... देवेन्द्र बंजारा उत्तराखंड
20 नव. 2026•
ગુજરાતી मराठी ਪੰਜਾਬੀ বাংলা
पुण्यात स्कूल बसच्या धडकेत १६ वर्षीय भावाचा मृत्यू, बहीण गंभीर जखमी
अपराध

पुण्यात स्कूल बसच्या धडकेत १६ वर्षीय भावाचा मृत्यू, बहीण गंभीर जखमी

✍️ रिपोर्टर: Dr.Aniket Mestri 🗓 01 अक्टू. 2026, 08:25 PM 👁 100
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

पुण्यातील घोरपडी परिसरात स्कूल बसने दुचाकीला दिलेल्या धडकेत एका १६ वर्षीय विद्यार्थ्याचा जागीच मृत्यू झाला, तर त्याची १८ वर्षीय बहीण गंभीर जखमी झाली आहे. हा अपघात राष्ट्रीय युद्ध स्मारक चौकात झाला.

पुण्यातील घोरपडी परिसरातील राष्ट्रीय युद्ध स्मारक चौकात एक दुर्दैवी अपघात घडला आहे. स्कूल बसने दुचाकीला दिलेल्या धडकेत १६ वर्षीय रोहित लक्ष्मण कुदळे या विद्यार्थ्याचा मृत्यू झाला. या अपघातात त्याची १८ वर्षीय बहीण रिया लक्ष्मण कुदळे गंभीर जखमी झाली असून तिच्यावर रुग्णालयात उपचार सुरू आहेत.

मिळालेल्या माहितीनुसार, मांजरी परिसरातील रहिवासी असलेले रोहित आणि रिया हे दोघे सकाळी सुमारे ७.३० वाजता दुचाकीवरून जात होते. राष्ट्रीय युद्ध स्मारक चौकात त्यांच्या दुचाकीला एका मिनी स्कूल बसने समोरून जोरदार धडक दिली. या धडकेत दुचाकीच्या मागे बसलेला रोहित गंभीर जखमी झाला. उपचारादरम्यान त्याचा मृत्यू झाला.

दरम्यान, अपघातास कारणीभूत ठरलेली स्कूल बस नारायणा स्कूल, अमनोरा, हडपसर येथील असल्याचे समोर आले आहे. जखमी रियाच्या तक्रारीवरून वानवडी पोलिसांनी स्कूल बस चालक दत्तात्रय बसवराज सागर (वय २६) याच्याविरुद्ध निष्काळजीपणे आणि भरधाव वेगाने वाहन चालवल्याप्रकरणी गुन्हा दाखल केला आहे. या घटनेचा पुढील तपास पोलीस करत आहेत.
📲Get App