🔥 TRENDING बिठनोक पंचायत समिति में भाजपा ने 8 में... पाकिस्तान के जलवायु परिवर्तन मंत्री शं... କାଲିମେଳାରେ ବନ ବିଭାଗର ବଡ଼ ଚଢ଼ାଉ: ୩୯୦ଟି... Uttarakhand HC refuses to recover Rs 2... South Delhi Prepares for 20 Weddings T... Delhi Expands Electric Bus Fleet by 10...
20 Nov 2026•
ગુજરાતી मराठी ਪੰਜਾਬੀ বাংলা
Education

पुण्यात जल्लोष तुकाराम मुंडेच्या नेतृत्वात होणार चौकशी आंदोलन मागे

✍️ Reporter: रीपोर्टर दिलीप नगरे 🗓 12 Oct 2026, 10:20 AM 👁 493
Watch on: ▶️ YouTube
Share: 💬 WhatsApp 📘 Facebook 𝕏 Post

महाराष्ट्र लोकसेवा आयोगाच्या (MPSC) परीक्षांच्या तारखांच्या मागणीसाठी आंदोलन करणाऱ्या विद्यार्थ्यांच्या आंदोलनाला अखेर यश आले आहे. आयोगाचे अध्यक्ष रजेवर गेल्याने विद्यार्थ्यांमध्ये आनंदाचे आणि उत्साहाचे वातावरण पसरले आहे.

पुणे: विद्यार्थ्यांच्या 11 दिवसांच्या MPSC आंदोलनाला अखेर यश; 60 दिवसांसाठी आंदोलन स्थगित

पुण्यातील एस. एम. जोशी पुलावर गेल्या 11 दिवसांपासून सुरू असलेले एमपीएससी विद्यार्थ्यांचे आंदोलन अखेर आज मध्यरात्री (12 ऑक्टोबर 2026) स्थगित करण्यात आले आहे.

राष्ट्रवादी काँग्रेस शरदचंद्र पवार पक्षाचे आमदार रोहित पवार यांच्या नेतृत्वात हे ठिय्या आंदोलन सुरू होते. विद्यार्थ्यांची प्रमुख मागणी एमपीएससीचे अध्यक्ष विवेक भीमनवार यांच्या राजीनाम्याची होती.

सरकारने काय निर्णय घेतला?

विद्यार्थ्यांच्या रेट्यापुढे अखेर सरकारला झुकावे लागले. सरकारने या प्रकरणाची चौकशी करण्यासाठी वरिष्ठ सनदी अधिकारी तुकाराम मुंढे यांच्या सचिवपदी एक समिती स्थापन केली आहे. या समितीला पेपरफुटीसह इतर अनियमिततेची चौकशी करण्याचे आदेश देण्यात आले आहेत.

त्यानंतर एमपीएससीचे अध्यक्ष विवेक भीमनवार यांनी स्वतः ट्विट करून चौकशी पूर्ण होईपर्यंत आपण सक्तीच्या रजेवर जात असल्याचे जाहीर केले. सरकारने त्यांना सक्तीच्या रजेवर पाठवले असल्याचे स्पष्ट झाले आहे.

आंदोलन संपले नाही, स्थगित केले

आंदोलनाचे नेतृत्व करणारे विवेकानंद पाटील यांनी "आंदोलन थांबत नाहीय तर तत्वता थांबवत आहे" असे म्हणत स्थगितीची घोषणा केली. जर चौकशीत दोषी आढळला तर त्याला जेलमध्ये टाका, अशी विद्यार्थ्यांची मागणी कायम आहे.

आमदार रोहित पवार म्हणाले, "सरकारचे आभार मानतो, विद्यार्थ्यांच्या मागण्या मान्य केल्यात. उशीर नक्कीच झाला, आमची मागणी राजीनाम्याचीच होती, मात्र विद्यार्थ्यांच्या परीक्षा लक्षात घेता आंदोलन 60 दिवसांसाठी स्थगित करत आहोत".

दरम्यान, आंदोलनस्थळी रात्री उशिरापर्यंत विद्यार्थ्यांनी एकच जल्लोष केला. फोटोत दिसत आहे त्याप्रमाणे विद्यार्थ्यांनी आंदोलनकर्त्यांना खांद्यावर उचलून घेत विजय साजरा केला.

पुढे काय?
विद्यार्थ्यांनी सरकारला 60 दिवसांची मुदत दिली आहे. या काळात चौकशी पूर्ण करून दोषींवर कारवाई न झाल्यास पुन्हा अधिक तीव्र आंदोलन छेडण्याचा इशारा देण्यात आला आहे.
📲Get App